ابو عاصم / نصر محمد علي السحاقي ( رحمه الله )

[ابوعاهد]

نبذة عن الشاعر



الشاعر النبراس الغيور المرحوم نصر محمد علي عبدالكريم=((عباد))اسحاق
ولد وترعرع في مدينة جبن محافظة الضالع ... أب لخمسة اولاد واكبرهم عاصم,,,
كان رحمه الله حاضر البديهه وفي سن مبكر وقت بلوغه الخامسة عشر من عمره بداء رحلة الاغتراب .. هاجر الوطن الى دولة قطر موطن اغترابه وهناك كانت بدايت انطلاقته حين برز بموهبته الشعريه فلمع نجمه واخصبت قريحته بالاشعار و باعذب الحروف مصحوبه بقوة المعنى وتصوير المعاناه حيث تغزل بالوطن كثيراً وعبر عن معاناة مواطنيه باصدق تعبير تجلى ذالك في قصائده التي سوف يتم انزالها على صفحات المجلس اليمني

[عاصم السحاقي]

كــــفــــا كــــفــــا قــــــــال الــســحــاقـــي كــــفـــــا= يـــاقـــلـــب يـاكــفــيــنــي عـــــــــذاب الــســنـــيـــن
جــســمــي نـــحـــل مـــــــن حــيــرتـــك واكــتــفـــا=ونـــــتـــــه مـــكـــانــــك تــتـــعـــبـــه بـــالأنــــيــــن
يــاقــلـــب مـــــــاذا صــــــــار بــــعــــد الــصـــفـــا=بـــعــــد الــســلـــى يــاقــلـــب مـــالــــك حــــزيــــن
خــلــيــت طـــرفــــي فـــــــي الـــدجــــى مــاغــفـــا=وســـــال دمــــــع الــعــيــن فــــــي كــــــل حـــيـــن
والــنـــفـــس ضــــاقــــت والــــســــرور اخــتـــفـــا=وتــهــامــســـو مـــــــــن حــــولـــــي الــحــاقــديـــن
قــــــد كـــنـــت عـــنـــد الـــهــــم تــبــكـــي خـــفــــا=والــــيـــــوم تـــجـــهـــر بــالــبـــكـــا والــحــنـــيـــن
هــــــــــواك خــــــــــلا هـــــمـــــي اتــضـــاعـــفـــا=وادخــلــتــنـــي فـــــــــي ســــاحـــــة الــهــايــمــيــن
لــــــكــــــن قــــلــــبــــي لــلــحــكـــايـــة نــــــفـــــــا=وقـــــال لـــــي عــــــن ســــــر صــــــادق يــقــيــن
قــــــــال الــســـبـــب فـــيـــمـــا ذكـــــــــر آنــــفـــــا=لـــمــــح الــنـــظـــر خــــــــلا فــــــــؤادي يــلـــيـــن
الـــعــــيــــن هـــــــــــي خـــلـــتـــنـــي اتـــكـــلـــفـــابــالــعـــيـــن تـــــبـــــدأ قـــــصـــــة الــعــاشــقــيــن
لأنـــــهــــــا شـــــافــــــت جـــمــــيــــل اتـــحــــفــــا=ســـاجـــي الــمــقــل فـــتـــان وجـــهــــه حــســيـــن
مـــــرنـــــح الـــقــــامــــة رشـــــيــــــق اهـــيــــفــــا=وجـــهـــه حــــــوى نـــرجـــس ولـــولـــؤ ثــمــيـــن
عـــيـــنـــي رأت حـــســـنـــه وقـــلـــبـــي هـــــفـــــا=مـــلــــهــــوف يـــقــــطــــف وردة الــيــاســمـــيـــن
نـــســـنـــس نــســيـــمـــه والـــــفـــــؤاد احـــتـــفــــا=وأصــبـــح مــقــامــه وســــــط قــلــبــي حــصــيــن
رمــــــــــا فــــــــــؤادي ســـهـــمــــه الــمـــرهـــفـــا=مــــــن نـــظــــرة أعــيــانـــة ونـــــــور الـجــبــيــن
وصــبـــحـــت أحــــبـــــه حـــــــــب لايـــوصـــفـــا=وهــــــو حـــلــــف مـــاحــــب غـــيــــري يــمــيـــن
حـــــتـــــى تــعـــاهـــدنـــا عـــــهــــــود الـــــوفــــــا=كـــنــــا ســـــــوى فــــــــي حــبـــنـــا صــادقـــيـــن
والــــيـــــوم مـــــــــدري لــــيـــــش رام الـــجـــفــــا=ونــــــــا حــســـبـــت أنــــــــه لــعـــهـــده أمــــيــــن
بــســبـــاب عــيــنـــي مــاحــصـــل لـــــــي كـــفــــا=يـــاقـــلـــب يـكــفــيــنــي عــــــــــذاب الــســنـــيـــن
لاعـــــــــــــــــاد تـــــتــــــنــــــدم وتــــتــــأســــفـــــا=أصــــبـــــر لـمــكــتــوبــك وربـــــــــك مـــعـــيــــن

[عاصم السحاقي]

قــال السحـاقـي مـلامـة = لخفـيـت حـبـي مـلامــه
حـبــي لـخـلـي حـقـيـقـة =مـالـي ومــال الـمـلامـه
حـبــي لـخـلــي مـخـيــر = والنـفـس بــه مستهـامـة
نـهـب فــؤادي وعـقـلـي = حسنـه وكثـر احتشـامـه
وصبـحـت هـايـم بحـبـه =ومبتـلـي فـــي غـرامــه
لـسـؤ حـظــي هـجـرتـه =وأصـبـح فـراقـه نـدامـه
أمـسـي مسـامـر خيـالـة=والطـرف يفـرق منامـه
إتخـيـلـه كــــل ســاعــة=وذكــر رشـاقـة قـوامــه
والوجه ذي كنت أشوفه=كـالـبـدر لـيـلـة تـمـامــه
ويــوم لـحـظـة وداعـــه=وقـفـت لـحـظـة أمـامــه
وشـفـت عيـنـه حـزيـنـة=ودمـعــتــه كـالـغـمـامــه
سـلــم وعـيـنـه تـنــادي=وقـال لـي فــي رحـامـه
عـسـاك يـانـور عـيـنـي =تـعــود لـــي بالـسـلامـه
أثـــر بـقـلـبـي وداعــــه =وهــز جسـمـي كـلامــه
ونـظــرة الـعـيـن مــنــه = ســوت بقلـبـي سـمـامـه
رجــــع ويــــده تــأشــر = وأنا أنسحب مـن أمامـه
كـنــه طـعـنـي بخـنـجـر =أو مــد نـحـوي سهـامـه
رحـلـت والعـيـن تبـكـي =والـقـلـب زاد اهتـمـامـه
والشوق ذي في فـؤادي =ســـوا بقـلـبـي عــلامــه
حبـه شغـل كـل فـكـري =والـيــوم زاد احـتـرامــه
مـارضـا لقلـبـي بـديـلـه =لـــو بـاتـقــوم الـقـيـامـه

[عاصم السحاقي]

هموم مغترب

يالله تـجـلــي هـمــنــا والــكـــرب=ونــجــنـــا شـــــــر الـمــصــايــب
مـنــك إلـهــي سـلـتــي والـطـلــب=ســهـــل لــنـــا كـــــل الـمـطـالــب
وغفـر لنـا الــزلات يـامـن وهــب=واتــقــبـــل الــتــوبـــة لــتــايـــب
بتـحـمـدك مــاكــل راقــــم كــتــب=الـحـمـدلــك والـشــكــر واجـــــب
وألاف صلو عد مـا المـزن صـب=وأصـبـح جمـيـع الطـيـن شــارب
عـلـى محـمـد سـيـد كــل الـعــرب=آمـــن وحـائــز أعــلــى مــراتــب
قال الذي فـي الهجـر ذاق التعـب=سـاهــر ونـــوم الـعـيــن هــــارب
هـمـي طـوانـي والـفـؤاد الـتـهـب=والــعــقــل بــالأفــكــار تـــاعــــب
حنيت من جوفـي وصـاح اللجـب=مــــن بـاطـلــك يــاوقــت عــايــب
فـي غربـتـي حـايـر وزاد التـعـب=مــن صغرسـنـي صــرت شـايــب
فارقت أرضـي قلـت بجنـي عنـب=والــيـــوم قـاســيــت الـمـتـاعــب
كم ناس فارف موطنـه واحتجـب=ولايــفــكـــر فـــــــي الــعــواقـــب
يرحـل وفـارق كلمـا القلـب حــب=أهـــلـــه وخـــلــــه والأقـــــــارب
وطفـل مالـه علـم ويـش السـبـب=إذا نـطــق لـــه صـــوت شـاحــب
كتيـب سئـل ويــن أبــوه أغـتـرب=فــــي أي دولــــة كــــان غــايــب
إذا تـقـلـه ويـــن أبـــوك انـتـحـب=فـاضــت عـيـونـه دمـــع سـاكــب
وبوه في الغربـة سـرح بالمسـب=وعـــــاش مــتـــزوج وعــــــازب
مايحسـب أيامـه وكـم قـد حـسـب=جـمــلــة ضــمـــارة والــرواتـــب
مابايـفـيـدة مـــال مـهـمـا كـســب=لــــو مـكـسـبـه حــمــل مــراكــب
ولوكسـب فـي غيـر أرضـه ذهـب=مـاتـنـفـعــه والــعــمــر ذاهــــــب
هـذه حقيقـة واسئلـو مـن جــرب=وشـــاف فـــي الـدنـيــا تــجــارب
والله منـسـا يــوم عـاصـم حــزب=وخــــوه جـنـبــه كــــان حــــازب
فارقتـهـم والـدمـع مـنــي سـكــب=يـنــزل كــمــا قــطــر الـسـحـايـب
يوم السفر جسمي كما النار شب=والـنــاس مـــن حـولــي تــراقــب
حسيـت فـي داخـل كيانـي صخـب=مـن يــوم عـاصـم كــان غـاضـب
قصده معي يخرج لحـق واقتـرب=زعــــــلان وعــيــانــه تــعــاتـــب
مايدري أن وقـت الفـراق انكتـب=ذا حــظــنــا والــــــرب كـــاتــــب
يهل اليمن من يغتـرب فـي حنـب=صــيـــح ولا واحــــــد يـــجـــاوب
لاتـنـقـدونــي لاتــزيـــدو عــتـــب=فـــي غـربـتـي مـاكـنـت راغــــب
لوتعلمـو لـيـش المـواطـن هــرب=وفـــــارق أرضـــــه والـحـبـايــب
وفـضـل الغـربـة وأرضــه أحـــب=فــي موطـنـه يـلـقـى المـصـاعـب
لـوقــال يـرجــع لابـــلاده حـســب=كــــم بـايـحـمـل مـــــن غــلايـــب
من ناس تعمل فـي بلدنـا العجـب=يــعــامــلـــونـــا كــــالأجــــانــــب
يتـلاعـبـو بالـشـعـب كـــم ذنــــب=أهــــــل الــحــيــل والـمـنــاصــب
آفــات خـلـت شعبـنـا فــي مـهــب=خــايـــن ومـسـتـهـتـر وكــــــاذب
هـانــو بـلـدنـا فاتـحـيـن الـجـعـب=لـلـشـعـب كــــم ســــوو مـكـايــب
خلـو خبيـث النفـس يملـي زعـب=ويــــن الـمـراقــب والـمـحـاســب
حتـا الطـرق فـي كـل كيلـو مطـب=نـقـطـه أمـامــك قـــف وحــاســب
ودفــع لـهـم مــن غـيـر قـلـة أدب=حــق ابـــن هـــادي والـضـرايـب
شـرع العقيـدة ضعـوهـا النـصـب=وحــاربــو عـــــرف الـمـنـاصــب
وهـل البـدع ذي يحمـلـو بالـرتـب=وبــالــوجــاهـــه والــمــكــاســـب
مافـاد معـهـم عــرف ولا صـحـب=بالـحـقـد يـنـســو كــــل صــاحــب
مـاعــاد يـشـتـو للقبـيـلـي نـســب=ويــش الـضـرر يـهـل الـمـواهـب
يشتـو يـردو صخـر صـمـا خـلـب=ونـــمـــار تــخــضــع لـلـثـعـالــب
وبـعــد ميـسـانـي نـــزرع عـبــب=والــديــك نـعـمــل لــــه مـخـالــب
لفكارهـم مـولـى الكـرامـة غـلـب=شـعـب اليـمـن رافـــض وغـالــب
مـانــوافــق لـونـصـلــب جـــــرب=والشـمـس تـشـرق مــن مـغـارب
والختم صلي عد ما المـزن صـب=وأصـبـح جمـيـع الطـيـن شــارب
عـلـى محـمـد سـيـد كــل الـعــرب=آمـــن وحـائــز أعــلــى مــراتــب

[عاصم السحاقي]

مشاعر وطنية

ياكـواكـب سجـلـي مـجـد البـلـد =فـوق هامـات السحـاب العاليـة
وأعلني عن حكمة القايـد حمـد =واكتبيهـا فـي سمـاك الصافـيـة
واشرحي للشمس ونجوم السعد =كيف أبو مشعل صفاته ساميـة
رافـع البيـرق علـى الله اعتـمـد =مهتـدي بالحـق نفسـه راضـيـة
للـعـلا قــاد المـسـيـرة واسـتـنـد =فـوق دربــه بالـرجـال الوافـيـة
سطـر وصفحـات تبقـى لـلأبـد =دوم تحكى عـن قطرنـا الغاليـة
ياأميـر الشعـب لـك مـنـا عـهـد =بعـد خطواتـك خطـانـا ماشـيـة
في ضمير الشعب تقديرك خلد=والـوطـن مـنـا حـقـوقـه بـاقـيـة
فـي الشدايـد عـاد وقفتـنـا أشــد=بالدمـاء نفـدي قطـرنـا الغالـيـة
مانهاب الموت ونفوس الحسـد=ماتـلاقـي غـيــر نـــار حـامـيـة

[عاصم السحاقي]

قال السحاقي مايأثر * راسي ولا نهجي يغير=مادمت في ديني مخير* دستور ماخالف مساره
ماهمني من خاب واغتر* وخالف المعروف وانكر=ومن على دينه تنكر* بقاه في الدنيا خساره
الليل ياراسي تنهجر * اطلق شراب النار لحمر=دمر قوى الالحاد والشر * اهل الوجوه المستعاره
والمجتمع خله يطهر* من العفانه قبل تظهر=لا تترك الافآت تكبر* زيل الوباء قبل انتشاره
ويارسولي لاتأخر* مادام بحر الشعر دفر=اسحب لجام المهر الاشقر* وشل من عندي اشاره
اعزم ومكتوبي مصدر * للحاشدي اللي تبور=قله يعلّم كيف يشعر*وإلا شرب شأس المراره
شفته عليّ جا يعنتر * وانا الذي قلبي تصبر=والآن انا بالفعل مضطر* اعمل وجاهد في دماره
قد جاز لي ذّكيه وانحر * وخّزق اعيانه بخنجر=وهاجمه من كل محور* وقطعه واجزر جزاره
مهما شطح والا تطمر*حلفت مايفلت مشزر=ما برحمه مهما تعذر* قد فات ميعاد اعتذاره
ارسلت له خطي معطر * ورد بدال العطر ترتر=ماكان من حقه يبور*من بعد ماعليت اعتباره
يالعلفي نشتي نحاور * مادام قد وجهك منخر=خراطمك سبعين واكثر*وفوق راسك مية شاره
جاوب سؤالي ياغضنفر * ايش الذي خلاك تذعر=تترك رفاقك والمعسكر* وتهجر الحاكم وداره
يمكن خشيت العمر يقصر * أو هددك مأمور خنفر=أو ربما تشتي تحرر* فقلت ترحل من دياره
وإنما عقلي تحير * ليش انت بالأذناب تفخر=ماجيد بالخائن يجور* والحر بكفيه الإشاره
حبك لهم لازال يكثر * ذي ختموا لك مثل جعفر=في حزنهم قلبك يكدر* وافراحهم عندك بشاره
والثانيه ذي قلت نحذر * من الحمل أياك تعثر=قال المثل والعارف اخبر*سم المثرثر في هداره
احذر تشلك ريح صرصر*من نود ايلول المظفر=شف ذي تكسر مايجبر* اهجع ودخن لك سجاره
أما جبن لو با تذكر * صمودها في البرد والحر=شفتوا بها الموت المحير*يوم البلأ عمد غباره
مقامها عالي مطهر * ماعينها تدمع وتضجر=قد شفت شيطانك تقهقر* فيها ولا روح ضماره
نهار كمن ذيب كشر * وطارد القطعان في البر=كم منهن عقر وعزر* هالك صموده وانتصاره
جبالها كانت سقرقر * كم راس في دامن تطيفر=وذي جرح دمه تطير* وذي هرب قصيت اثاره
ومن جهة كمن موقر * أحذر ببحر الموت تمهر=لا تطلع العالي تكسر* شامخ جبن حذرك حجاره
والدين من له دين يظهر * مع زمنا والمقدر=لابد من خمده ومزجر*كلأ يخذ ذي من يساره=
هذا وذي منك تحرر *عني فانا باقول واجهر=داخل جبن فكري تنور* وجبت لك دبلوم اماره
باقولها بالصوت وافخر * اني تبعت الدين لكبر=واهل اللحي في كل منبر*اهل القيم واهل الطهاره
مالي صله في من تستر * ولا مع الدجال لعور=والعار لو صاحب مسير*افهم تفاصيل العباره
شف مبدئي بالعُرف يذكر * في وقتنا والوقت ذي مر=وزيف هذا الوقت ماضر*قد كل من عارف بجاره
وانته كفايه لا تستر * وتشتم الحزبي وتسخر=وانته بوديانه مسبر*واليوم خاضع لحتكاره
مادام قد عقلك قد تخدر * واسمك نشر في خس دفتر=لا تنتسب لا شعب حمير*ولا إلى ارض الحضاره
شعب اليمن اجواد جبر * ما يقبلوا مجرم تعنصر=لو بينهم تحضر بمحضر*يرموك من قمة سماره
لو كان عندك عقل فكر * ماتفاتل اصحابك وتعثر=افهم صميم القول واحزر*ماجيد يقبل هدم داره
قد كان أولى بك واجدر * تحرس كيان الدار لعصر=من كل شوعي أو مزنر*يريد تحطيم العماره
مافايده تدخل بمهتر * ضدي وانا ماريد تخسر=والنار من حولك بتسعر*كلاً بيرهف لك شفاره
وفي جوابك ذي تأخر * جاني خبر منك معشر=عن القضاء سويت معشر* واهل العمايم والوزاره
والعدل في صنعاء ومعبر * دستورنا صاغه وقرر=وشعبنا ناضل وجمهر*واعلن شريعتنا شعاره
إلا إذا القاضي تهور * ومال باحكامه وعصور=وفي قضايا الناس تاجر*مفروض عزله واحتقاره
هذا وماريدك تذمر * والرد ماريده يأخر=يكفيك مني ماتيسر*ومن وسط مكريبي شراره
والاف انا صلي مكرر * على النبي طه المنور=ماراعد الامزان زمجر*وعقبت بهده مطاره [/poem]
[/poem]


جواب الشاعر الكبير ابو قيس العلفي على الشيخ نصر السحاقي



والحاشدي مـاذا المقـدر * بلشـه بلشنـا باصـور =ادورلقدر يترجم مـا قـد اضمـر*ولا رضـي يوقـف هتـاره
خسـر خسـاره لا تقـدر * واحتـار فـي امـره وفسـر=يزقر بالايمـن أو بالايسر*ضيـاع مـن ضيـع ضمـاره
أمهر ببحر اوهامك امهر * واترك دمـوع العيـن تمطـر=حسره على البـر المطير*واحـذر مـن انيـاب النمـاره
قد قلت لك يا نصـر الدبـر * لاتبيـع بالجملـه ستطفـر=تجـرع الكـأس المصبـر*لا بـل ابوهـا مـن تجـاره
أشرّت لك والغيـر اشـر * ويـن النمـر بالصايبـه مـر=لكـن خسـاره شـاور اصور*وفّهـم اعمـى بالإشـاره
والآن لنتـه بـا تعجـر * ومستعـد تتـعـب وتسـهـر=ماخـاب مـن تابـع ودور*إنـزل بنـاء واطلـع حـذاره
شل الخبر من خير مصدر * واحذر نوايـا السـر تظهـر=شف مـن فتـح حلقـه وثرثر*مـا والنبـي يأخـذ بثـاره
عروقها في خـور مكسـر * بسمـل وقـول الله واكبـر=وخـذ بـذي شلـوا معشـر*وإلا اتبـع الكومـي شتـاره
هـذا اذا قصـدك تطهـر * ويرتفـع راســك مشـقـر=والا اقتبـر لـك لا تطمر*مالـم تكـن فيـك الـجـداره
ماهل عسى والا فانا اخبر * ذي يقضـي الساعـه يـوزر=ومثلهـا ساعـه يشرشر*مابـا تـجـي مـنـه امــاره
وانته سرى يا عـازم ازقـر * جوابـي الشافـي مسطـر=شله مـع اول ميـج شمر*ماهـو كمـا راكـب حمـاره
والثانيه من انذر اعذر * ذوق الخبـر يـا نصـر واحـذر=تتجاهـل انـذارك وتسخر*بايرتفـع ضغـط الـحـراره
ماكان بـه داعـي تكبـر * لا قـد معـك آلـي وميـزر=حالت على كسـرى وقيصـر* لا تأخـذ الدنيـا جسـاره
لني بشوفك جيـت محتـر * داهـم كمـا الجـزار لعـور=فعلتـهـا حـشــره ومـحـشـر*لله درك يـاعـمـاره
من اين قد جبت المجنزر * ومن متى قـد صـرت تنحـر=وخنجـرك خنجـر محسر*سنـه وقشـر بـه خـضـاره
عليّ انا تشتي تنمر * وانا اعرفـك مـن سـن حدعشـر=مـا آن أوان اكشـف مستر*غـط البطانـه بالظـهـاره
با تنتحر لو قول واجهر * واكشـف عيوبـك بـا تعـزر=تمـس لا ماسيـك واهتر*قـنـاع وجـهـك والسـتـاره
كـف الهـرا وايـاك تغتـر * بمبـوري غشـك ودبــر=وشجعـك تنـهـم وتشعـر*ضـدي وتعلنـهـا جـبـاره
ضرب لك الطاسه وزمر * وقمت ترقص رقصـة اكسـر=ضحكتنـي وانتـه تحذور*مـن وادي ابيـن لا شـهـاره
لا لا تقامر حيث تخسر * لنته وهـو شطـار انـا اشطـر=بـا كـدف الرانـي بجوكر*وطفـرك مــارك ومــاره
تقنعوا قد ماحـد اقـدر * غيـرك وغيـره يهـدم اعصـر=هيهـات هيهـات ان يدمر*حصيـن مـتـرادم حـجـاره
ومن خلق آدم وصور * ما احمل لكـم عوجـا ولا اقهـر=لـو تحتـرق بقعـا وتسعـر*ومـن تـعـداء يـادمـاره
من دور الفتنه تضـرر * وانـا متـى ماكنـت مضطـر=بـا واجـه الاسـرار بالشـر*ولا بقـي نـفـاح نــاره
ومن جهة مأمـور خنفـر * مـا هـدد العلفـي ولا انـذر=ولا هنـاك اخطـار تذكر*دعتنـي ارحـل عـن ديـاره
غادرتها راضي مخيـر * ماهـو خشيـت العمـر يقصـر=وعـشـت بامريـكـا ثنعشر*كأنـهـا شـهـريـن داره
ولا تقـل عبـدالله انكـر * انـه مـع اول مـن تعسكـر=نعـم وعيـب اكـذب وابور*سرنـا بهـا سيـره وغـاره
لكـن عليـك اول تخبـر * مـاذا دفـع بوقيـس يصهـر=في حزب كله شر في شـر* وهـل افـاد ام ضـر جـاره
كانت همل مـن كرهـا كـر * وملعبـه والكـل مسيـر=في يد جروميكو وروجر* ذا اشـرق وذا غـرب قطـاره
هذا يقـل رجعـي مزنـر * وذا يقـل شوعـي مخنـزر=وحرب يا مدفع وهـوزر* واهـل الرتـب تجنـي ثمـاره
وذاك ذي ماكان يذكـر * شهـر صميـل اخضـر مقشـر=جلـد وشمـت بـه وعـزر* لعـب بكيفـه واختـيـاره
عرفت وايقنت ان سقرقر * با تحـرق اليابـس ولخضـر=في ظل وضع اصبح مدهور* عاجز يضع حـج للاثـاره
فقلـت واجبنـا نـأزر * والحـزب ذا مـا بـا يقهـقـر=ما لم تشـارك فيـه جبـر* مـن داخلـه تقلـب مسـاره
هذا السبب لا قـل ولا اكثـر * دعانـي انظميـت مجبـر=غامرت في وضع احمر اصفر* تحيطه امـواش الجـزاره
خضت الخطر الفين مخطر * ادحن خطر وادخل في اخطر=لاحين مـا جـت هيلوكبتـر* وشلـت العلفـي وطـاره
وعـام قضيتـه مخفـر * بالقيـد والـمـرود مــزرزرفـي قصـر= مـولاك المسفـر* زنزانتـه مثـل المغـاره
ذه قصتي وانته به اخبر * وابـو شـوارب وابـن لحمـر=وابـن القمـش غالـب مطهـر* عنـده ملفـي بـالإداره
نهار حـن اليـوم لغبـر * داخـل جبـن ماظـل صيفـر=ممـن بتمدحهـم وتفـخـر* الجـيـد لفـلـف قـشـاره
وايش الـذي هاشـك تذكـر * مأساتنـا نسيانهـا اخيـر=كانـت ورق واللعـب بوكـر* والفايـده فيهـا خـسـاره
ماحد من العوره تعـور* مـن شلتـك يـا شاعـر اقـور=ولا صمد في البـرد والحـر* غيـر العساكـر والخفـاره
ظل البطل والفسل غادر * مـن قبـل اذان الفجـر بكـر=واصبح في البيضاء يفطـر* تـارك جبـن معلـن فـراره
وامسى اللواء الخامس يصدر *في كل ترسانـه ومحـور=صد كم احمـر عيـن قـرر * يهاجمـه فـي عقـر داره
مواجهه مدحـر بمدحـر * لا احمـد ولا حمديـن قصـر=لو شفتهم في كل معصـر* مـا اعليـت للفسـل اعتبـاره
لكـن فماهـل علـم دفـر * قديـك حـول الكـر والفـر=وانته في الدوحه تمخطر * ناطـور فـي قصـر الزبـاره
واليوم لو ظرفـه تغيـر * وعـاد بعـد الحـرب ذي فـر=مدعـوم مـن عمـه معمـر* كـذا الزمـن تـاره بتـاره
اصبر لناصر يـا منصـر * وايـام عمـره بـا تقاصـر=لا تحسـب انـه بـا يعمـر* هالـك ومالـك بأنتـظـاره
عسـى وايلـول المظفـر * والقائـد الـحـر المـوقـر=يعـرف بـذي طلسـم وزور* وبعدهـا يصـدر قــراره
هـذا وماحاجـه تمشطـر * صعيـب تجمـع مـا تبعثـر=لو عقلـك انتـه صـدق فكـر* ماكـان قديـت المنـاره
حذرتني من نـاس بربـر * حيـا لهـم ماعـادك اعسـر=شاهر بوجهـي صـارم ابتـر* تريـد تجزرنـي جـزاره
خطيئتـك اكبـر واكبـر * مـن ان تكفـرهـا وتغـفـر=لكل شيئ حـد لا تعصـور* علـي انـا هـذه الشطـاره
بدال ما تعضـد وتزقـر * سيفـك معـي سنيـت خنجـر=تذبح صهيرك به وتنحـر* لا بـل ابوهـا مـن صهـاره
لكن على كيفك تنهجر * من جيـز غيـرك عربـد ابطـر=وليـش مـا انتـه بـا نأثـر* منـك ونـأخـذ كـبـاره
ماعـاد باتأسـف وحسـر * قـد اقرنـت سحـل ووحـر=وصلحـت فحشـا ومنكـر* جرادتـك شطـت غــراره
من حيـث سبتوهـا تأمـر * وهـي لكـم كانـت تسيـر=يا اهوى على السبع الغضنفر* بعده سقط عـرش الإمـاره
واهل العمايـم لا تنكـر * مـا يستـووا غلطـان تعثـر=قايـس وميـز قبـل تعثـر* بيـن الطهـاره والـقـذاره
ولا هنا بـو قيـس حـرر * جـواب مـا مثلـه تحـرريسّـر =لـه الله ماتعسـر* واعطـا لبـو عاصـم فطـاره
واختم وصلي الـف واكثـر * علـى رسـول الله لزهـر=شفيعنـا فـي يـوم نحشـر* ياسعـد مـن حـبـه [/poem]وزاره [/poem] [/poem]

[عاصم السحاقي]

يالله طلـبـنـاك تـجـلـي كـــل هــــم=يافـرد ياقـادر يامهيـمـن ياعظـيـم
يامـن خلقـت ابــن آدم مــن عــدم=والـكـون تمـمـت خـلـقـه ياحـكـيـم
ياعالـمـاً ســـر عـبــدك ذي كـتــم=تـعـلــم بــكــل الـنـوايــا يـاعـلـيــم
يــارب أسـئـلـك بـمـكـه والـحــرم=تغـفـر ذنـوبـي وتـرحــم يـارحـيـم
والحمـدلـك عــد ماالـراعـد زجــم=وعـمـنـا خـيــر فـظـلـك يـاكـريــم
وصـلــي الأف ماالـكـاتـب رقــــم=عـلـى محـمـد عـعـد حــب التـلـيـم
طــه النـبـي ذي تـرفـع واعتـصـم=شفـيـع للـخـلـق مـــن نارالجـحـيـم
يقـول نصـر السحاقـي مـن حـزم=جملـه أمـوره فهـو راجــل حكـيـم
ومـــن تـجـمـل بعـلـمـه واغـتـنــم=علمـه لخيـر العمـل ربـحـه مـديـم
ومـــن تـمـهـل بـحـكـمـه مـاظـلــم=ومــن يتـابـع هـــوا نـفـسـه يـهـيـم
مــن بـعـد يامرحـبـا شـاعـر قــدم=من حزم تنحم وله هاجـس كظيـم
يامـرحـبـا لا وزا شـامــخ أصـــم=بضيـف واعـي وفـي رأيـه فهـيـم
قلعـة جبـن رحـبـت ماالـبـرق لــم=بصاحـب الـقـول والـخـط النمـيـم
ذي رتـب أبـيـات بالمعـنـى نـظـم=محتار يشكـي مـن الوضـع الأليـم
وضـع العـرب ذي تدمـر وانهـدم=يفـوح مــن ذكــره الـشـم الوخـيـم
ضاعت صفات العروبـة والشيـم=أهوا على الأصـل والمجـد القديـم
ماللـعـرب فــي الحـيـاة إلا الـنــدم=مـــادام والـكــل هـايــم مسـتـهـيـم
شـعـوب ياصاحـبـي مـثـل الـغـنـم=تمسي عشا الذيب والراعي غشيم
أيـن الشـرف ياعـرب أيـن الهمـم=ياللأسف وأصبح الصاحب غريم
بـاعــو لـخـدمـة مناصـبـهـم قـيــم=وارهبهم اللي نصف جيشه حريم
ذاك النتـن دنــس الأقـصـى وكــم=قــتــل وهــــدم مـنـازلـهـا هــديــم
جـمــع يـهــوده وعـربــد وانـتـقـم=وزاد حـقــد الـمـهـاجـر والـمـقـيـم
أخــذ فلسطـيـن بالـكـامـل وضـــم=جـولا تنـا وأرض لبنـان الصميـم
وبيل كلينتـون علـى الباقـي هجـم=علـى العـراق اتقـن الفعـل الأثـيـم
فـي أرض بغـداد سـال السيـل دم=وحـولـتـهـا الـقـنـابـل كـالـصـريـم
وأحـنـا حسبـنـا الضـحـيـة مـتـهـم=لـمــا تـبـعـنـا ورا قــــول الـلـئـيـم
ذي هـان كـل العـرب بيـن الأمــم=غربـي صليـبـي وبخـلاقـه ذمـيـم
لعـب بـأرض العـرب كـورة قـدم=وكــــل قـاداتـنــا بــعــده خـطـيــم
قـالـو لــه أنــت المحـكـم والحـكـم=مـن خالفـك غصـب عنـه يستقيـم
دمـر بلدنـا مـن نسـي كلـمـة نـعـم=وبالـصـواريـخ تـردمـهــا رديــــم
والــرأي لــك فجتمـاعـات الـقـمـم=نصـدر قـرارات ماتشـفـي سقـيـم
تـصـدم معـمـر وصــدام انـصـدم=مـن ينتهـج نهجـهـم عقـلـه عـديـم
أمـا الشـعـوب المريـضـة بالسـقـم=لاقـام مـن نـام نـوم أهــل الرقـيـم
شعوب عند الغضب تحـرق علـم=ويـرجـعـو يـسـمـعـو عبدالـحـلـيـم
ماهـمـهـم مــــن قــتــل ولاهــــدم=ولايـثـورو مــن الأمـــر الجـسـيـم
هذا اختصـار الخبـر والشـرح تـم=مافـادنـا يـالـعـرب كـثــر الـدويــم
أمــا جـمـال البـطـل قـمــة هـــرم=زعـيــم بالـفـعـل مامـثـلـه زعـيــم
وصـلــي الأف مـالـكـاتـب رقــــم=عـلـى محـمـد عــدد حــب التـلـيـم
طــه النـبـي ذي تـرفـع واعتـصـم=شفيـع للخـلـق مــن نــار الجحـيـم

[ابو نهى]

ارجوا من الاخ ابو عاهد ان ينقل هذه النبذه المختصره الى مقدمت الصفحه
وارجوا منك يا اخ عاصم مراسلتي على هذا العنوان او وضع ايميلك ضروري جدا جدا
abutakwa@yahoo.com


الشاعر النبراس الغيور المرحوم نصر محمد علي عبدالكريم=((عباد))اسحاق
ولد وترعرع في مدينة جبن محافظة الضالع ... أب لخمسة اولاد واكبرهم عاصم,,,
كان رحمه الله حاضر البديهه وفي سن مبكر وقت بلوغه الخامسة عشر من عمره بداء رحلة الاغتراب .. هاجر الوطن الى دولة قطر موطن اغترابه وهناك كانت بدايت انطلاقته حين برز بموهبته الشعريه فلمع نجمه واخصبت قريحته بالاشعار و باعذب الحروف مصحوبه بقوة المعنى وتصوير المعاناه حيث تغزل بالوطن كثيراً وعبر عن معاناة مواطنيه باصدق تعبير تجلى ذالك في قصائده التي سوف يتم انزالها على صفحات المجلس اليمني

[ابو نهى]

هذه القصيده هي اخر قصيده من روائع المرحوم وقد كتبها قبل وفاته باسبوع
وبعد سقوط بغداد بشهر وتناقش هذه القصيده وضع الامه العربيه والاسلاميه



بسمك الله نبدع يا لقدير المقدر =انت قادر ومن تقديرك احكمت الاقدار
قدرتك فوق قدرة كل فاجر تجبر =انت معطي ومانع وانت غافر وقهار
وانت عالم بما كل المخاليق تجهر =وانت يا حي قيوم عالماً كل الاسرار
هات حكمك وعدلك في البشر واهزم الشر =واغفر الذنب وبعد مننا ظلم الاشرار
واحمدك يا الاهي ما تلي كل معشر =عد كل الخلايق كل صامت وهدار
انت يا رب الارباب دوم تحمد وتشكر =سعد من كان عابد حامد الله وشكار
والف صلي وسلم عالرسول المطهر =عد ما الحاج كبر او اتو البيت زوار
للشفيع المشفع لامته يوم تحشر =وال بيته وصحبه كافة الناس الاخيار
قال نصر السحاقي ليت الامزان تمطر =فوق ارض العرب نيران في كل الاقطار
والزلازل تصل تسعه بمقياس رختر =والعواصم تدمرها براكين واعصار
والشهب والنيازك كلقذائف تناثر =في بلاد امة الاسلام من دار الى دار
والحكومات رب ارسل لها ريح صرصر =والوزارات تصبح رمل او كومة احجار
والصواعق كما قصف المدافع تفجر =واجعل ارض العروبه جمر او شاعله نار
لا بقي في امة الاسلام ولا اسم يذكر =موتنا اشرف لنا من عيشة الذل والعار
بعد ذي قد خسرنا ويش ذي عاد نخسر =كل شي ضاع منا يا طويلين الاعمار
في زمان العجب ثعلب تحول غظنفر =واصبحت تملك الفرخه مخالب ومنقار
قال نصر السحاقي كل عاقل تحير =واللبيب المتابع صار مذهول الافكار
ضاع جهد المحلل يوم حلل وفسر =كيف بغداد صارت ويش من حولها صار
ما حدث في عراق المجد يذهل ويبهر =كيف ما يعلن العاقل جنونه ويحتار
هل حسب اي عاقل واعتقد او تصور =ان جيش الصليبي يستبيح ارض الاحرار
وان ارض العرب صارت قواعد ومعبر =والعدو من حماها يضرب الاخ والجار
وان جيش العراق الحر فجاه تقهقر =والعراق اصبحت ماوى لفاسد وخمار
واصبحت عاصمتها للخفافيش مخفر =ضايعه مثل سلعه بين سارق وسمسار
عام الفين والزايد ثلاثه تذكر =تسعه ابريل وصمت العار ما بعدها عار
بوش قال الهدف صدام والخافي اكثر =والهدف هيمنه عالنفط هو التحكار
يضمن الامن لسرائيل من كل محور =والعرب من يسار الرقم سواهم اصفار
بوش صاغ الذرائع والخديعه وقرر =والعرب صدقو كذبت مخادع ومكار
في خداع العرب جرب وحاول وكرر =واكتشف انهم يمشوا معه ايمنا سار
سل سيفه على حكامنا يوم حذر =من يخالف كلامه ما قبل منه اعذار
واتخذ ضدهم ما كان شارون دبر =قام جيش جيوشه في سماهم والابحار
خوفهم بعد سبتمبر عليهم تسيطر =كل واحد تهرب واختفى مثل ما الفار
كل واحد تفانا في رضا بوش واظهر =من خضوعه لامره انه الطايع البار
والحليف المدلل زاد للجو عكر =حرك الجيش دمر في فلسطين دمار
في جنين احرق اليابس علينا والاخضر =شعبها والمساكن والمساجد والاشجار
قال له سرهم عندي وانا فيهم اخبر =لي معاهم تجارب صادقه ما هي اخبار
حربهم بالخطب والشجب في كل منبر =وانت حرك جيوشك لا تفكر بالاخطار
والجيوش الذي معهم عملها مقرر =لاجل حفظ الكراسي من ملمات واخطار
او لقتل المواطن لا عترض او تظاهر =في شوارع مدنهم يرسلو جيش جرار
ماكتفو بالذي سوه في العراق المحاصر =الملايين ماتو من عجائز وقصار
في العصور القديمه والزمان الذي مر =بين كل البشر ما صار مثل الذي صار
طال ليل العرب والصبح نوره تاخر =مجدنا كان كذبه في الصحايف والاشعار
وانتهى مجد كنا به نغني ونفخر =بدر والاندلس والقادسيه وذي قار
والشهيد المجاهد في ترابه تكدر =ليش لا وسط قبره تلحقه سوء الاخبار
في فلسطين صهيوني علينا تجاسر =ابن صهيون دائم ناقض العهد فجار
دنسوا في فلسطين التراب المطهر =قدسها والحرم في يد مجرم وجزار
دم كشمير والشيشان يسفك ويهدر =بعد ما كان دم البوسنه سيل وانهار
دمنا في قوانين الصليبي تسعر =الف مسلم بدرهم واليهودي بقنطار
ارض الاسلام بالجمله مدنها تدمر =وانهدر دمنا من يد خاين وغدار
صرب واهنود وامريكي وروسي تعنصر =يوم صرنا ثعالب كلهم صارو انمار
سيطر الذل فينا واليهودي تعنتر =صار شارون فارس وامتشق سيف بتار
في استعادة كرامتنا املنا تبخر =عزنا راح من بعد الهوان الذي صار
وين حمزه وخالد وين عقبه وجعفر =وين قائد مقاتل وين فارس ومغوار
عالم الشر على الشعب العراقي تامر =يقتله من 13 سنه عمد واصرار
بعد ان لا حضو الشعب العراقي تطور =في الصناعه ويملك جيش واثب وكرار
يوم صدام رافض مثل غيره يسير =من قبلهم ويتبع للقساوس والاحبار
حاولو في سنة تسعين لاكن تعثر =جيشهم وانكسر عند المداخل والاسوار
قالو الحل في خطه جديده تدبر =بالحصار الذكي تنجح خططهم والافكار
واستمر الحصار اعوام والحاقد اضمر =للعراق الوقيعه بالحصار الذي جار
من زمان المغولي حقدهم ما تغير =وارض الاسلام هانت والعدد فوق مليار
اجتمع بوش واعوانه بشارون واسفر =عن لقاهم مكايد من اناجيل واسفار
اليهودي تنصر والصليبي تزنر =الفو مسرحيه واتقنو لعب الادوار
وافقو محدا منهم تردد وقصر =نفذوا ما تقرر من عصابات واشرار
ربنا اجعل سفنهم والبوارج تطيفر =واهدم البيت الابيض يا مهيمن وجبار
واهزم الجيش والسي اي ايه في كل محور =والمسمى ببنتاجون يا رب ينهار
هات بطشك لمن معهم علينا تامر =في العمومي وروما والكنيست وازنار
رب شتت قواهم والقياده تناحر =وازرع الخوف فيهم نسالك تاخذ الثار
كل ضالم تصهين سل سيفه وكشر =للقضاء عالديانه يجعل الكل كفار
والف صلي وسلم عالرسول المطهر =وال بيته وصحبه كافة الناس الاخيار
الشفيع المشفع لامته يوم تحشر =عد ما الحاج كبر او اتو البيت زوار

[عاصم السحاقي]

قصيدة من أروع القصائد في الغزل للوالد المرحوم نصر السحاقي

صـبـاح الخـيـر يابلـبـل تـرنــم=شجاني نغم صوتـه وانسجامـه
لمحته فوق غصن البـان مهتـم=وزاد أشـواق قلـبـي وإهتمـامـه
وظـنـيـتـه مــفــارق أو مـهـيــم=وله محبوب ذايب فـي غرامـه
حسـبـت أنــه مثيـلـي قــد تـألـم=مــن الهـجـران ليـلـة مايـنـامـه
ولكنـه عـلـى الأغـصـان ينـعـم=ونوحـه والمغانـي مـن كـلامـه
يغـنـي كلـمـا رفـــرف وحـــوم=ولـو زار الغديـر أظهـر هيامـه
ولو فصـل الربيـع أقبـل وخيـم=على الأغصان تغريده علامـه
من الرحمان هـذا الطيـر ملهـم=يغـنـي لاقــد إستـكـفـا طـعـامـه
ولاعمره عرف بالحـب واهتـم=عذاب الحب خارج عن نظامه
ولا له قلب في الهجـران يفهـم=ولانـفـســه بـخـلــه مسـتـهـامـه
ولـكــن هـيــج الـقـلـب الـمـتـيـم=وأحرم طرف عيني من منامه
وخــلا النـفـس تتمـنـى وتحـلـم=بعـوده للوطـن أرض الكـرامـه
سألتـك يارحيـم الـنـاس تـرحـم=وترجعـنـي بــلادي بالـسـلامـه

[عاصم السحاقي]

قصيدة تتحدث عن معاناة العربة وفراق الوطن وحال المغترب في غربته / للوالد المرحوم نصر السحاقي


يقـول ذي نــاح واضـنـاه السـهـر=وصـار حالـه فـي الغربـة عسيـر
مليـت مــن كـثـر ماقلـبـي صـبـر=وسال دمعـي مـن أعيانـي غزيـر
والـهــم دمـــر كـيـانــي والــكــدر=خـلا السعـادة مـن أعماقـي تطيـر
فـي كـل ليلـة عـلـى نــور القـمـر=يزيـد شوقـي وأنـا وحـدي سهـيـر
والبارحة عنـدي الهاجـس حضـر=لامـنـزلـي لـيـلـة الـعـيــد الـكـبـيـر
جـانـي يـبـارك وروانــي صــور=مــن اليـمـن ذي مناظـرهـا تـثـيـر
وبـاقـة الــورد مــن وادي ظـهــر=فيهـا شـذى فــل صنـعـا والعبـيـر
وقـال ياصاحـبـي طــاب السـمـر=إستقـبـل العـيـد بـالـوجـه البـشـيـر
هـيـا نـغـنـي عـلــى نـغــم الـوتــر=لازم نـعـيــد ونـســلــى يـاخـبـيــر
قلـت إسئلـك بسـم خــلاق البـشـر=لاتتعـب القلـب مــن هــذا الهـديـر
زيــدت هـمــي بـقـولـك والـخـبـر=ولصيـت جسمـي بنيـران السعيـر
أمـانــتــك لاتـــوفـــي مــاقــصــر=لاتتعـب القلـب مــن هــذا الهـديـر
عـيـد وخــل المـفـارق ذي هـجـر=يـكـابـد الـهــم والـشــوق الـمـريـر
ماتـدري أنـي مهاجـر فــي قـطـر=مـفـارق أهـلـي وخـلـي والجـويـر
العـيـد عـيـد الــذي بـيــن الأســـر=يعـيـش سـالـي مـرتـاح الضـمـيـر
أمــا الــذي عــن محبـيـنـه نـشــر=وعـاش فـي غربتـه مثـل الأسيـر
حضـه نـدم وأكثـر أيامـه ضـجـر=والـعـيـد مايهـتـنـي فـيــه الـنـكـيـر
ياصاحـبـي لاسـقـا يـــوم الـسـفـر=والـيـوم ذي فـيـه قابـلـت السفـيـر
الأولـه شفـت فــي الغـربـة عـبـر=مايقطـف أغصانهـا غيـر الحقيـر
عرضـت نفـسـي لرعـيـان البـقـر=أهـل الفسـالات والشـرع القصيـر
والعسكـريـة بـهــا الـحــر انـقـهـر=ياويـل مـن لـه بمنهجـهـا مصـيـر
أحـكـامـهــا مـاتـقـبـلـهـا الــبــشــر=وأحـمـالـهـا ماتحـمـلـهـا الـحـمـيـر
الفـسـل فيـهـا يـرجـول وأشـتـهـر=بيـن النكـر لامشـا يطـمـر طمـيـر
الأمـر لوكـان مــن عـنـده صــدر=ماتسـمـع إلاصـيـاحـه والصـفـيـر
إذا رأى الـجـيـد هـانــه واحـتـقــر=والنـذل يفـرش طريقـه بالحـريـر
ياوقـت مكـار وأحكـامـك ضــرر=برك رخص وراتفع سعر الشعير
يـاحــبــاب لاتـحـمـلـونــي أثــــــر=العيـش فـي البعـد ياحبابـي مريـر
بانلـزم الصبـر مـن يصبـر ظـفـر=ونقـتـنـع بـالـقـدر حـالــي وقــيــر
نـؤمـن بـالأقـدار والـغـربـة قـــدر=وربــنـــا الله بـالـحــالــه خــبــيــر
قـد كنـت فـي العيـد نـاوي للسفـر=وأخـرتــنــي مـقــاديــر الــقــديــر
ماشـي فـي الـيـد حيـلـة أو بـصـر=مـاعـاد تـنـفـع شـطــاره للـحـذيـر
والعسكـريـة لـنـا عـشــرة حـجــر=مـوعـد نهـايـة إجازتـهـا قـصـيـر
يـدولـنـا مـــن مــحــرم لاصــفــر=ويحسـبـوهـا فـــي الـمــدة كـثـيــر
يـــارب سـألــك بـأيــات الـســور=تـرد مــن فــارق أهـلـه يابصـيـر
يعيـش فـي موطـنـه مـثـل البـشـر=تجـلـي هـمـومـه وقـلـبـه يستـنـيـر
وأختم وصلي عـدد طـش المطـر=عـلـى محـمـد بـشـيـري والـنـذير

[عاصم السحاقي]

قصيدة أخرى تتحدث عن الغربة وعن الوضع في مدينة جبن / للمرحوم نصر السحاقي


ياقـاسـم محـمـد ألــوه يامـسـئـول فـــي السـنـتـرال=أفتـح خـط هاتـف جبـن باوجـه هـد عـشـر ســؤال
الأول عــن أحوالـكـم نستعـلـم عـلــى كـــل حـــال=وخبـار الوطـن بعـد مـا حــل الخـيـر والـشـر زال
لــن المغـتـرب دائـمـا فــي حــب الـوطـن لايــزال=وخبـار الوطـن همـنـا حـتـا لــو المـراحـل طــوال
والثانـي بهاتـف جبـن زاد الضغـط فـي الأتـصـال=لـحــد قـــال بايـتـصـل يـسـمـع رنــــة الأنـشـغــال
سويـتـو خـطـوط أربـعــة فـــي بـدالــة الأتـصــال=دايـم تنفصـل بعـد مـا نجلـس نبـحـث أربــع لـيـال
والثالث بشأن الطريق صـارت مـن أمـور الخيـال=مرت سبع في رصفها يهل الخيـر والصبـر طـال
والرابـع رقمنـا عــن مستشـفـى جـبـن والخـصـال=مــاشــي يــوجــد دواء لـلـحـصـبـة ولا لـلـسـعــال
والتعلـيـم فــي المنطـقـة ماكـفـت فـصـول العـيـال=فــي فصلـيـن بتزحـمـوا ماللـفـهـم يـوجــد مـجــال
والخامس عن أوضاعنـا بالأسعـار نضـرب مثـال=كيـلـو لـحـم سـعـره مـيـه والبيـضـة ثـلاثـة ريـــال
واللـي مـا أمتـلـت خزنـتـه مطلـوبـه بعـيـد المـنـال=دايــم عيشـتـه فــي نـكـد والأحـمـال فـوقـه ثـقــال
والسـادس لعولـة جـبـن ذا قـولـي وشــرح المـقـال=واجــب نـتـبـع ديـنـنـا والـطـاعـة لـــرب الـجــلال
مـا نشتـي نصـدق بــدع أو نـوقـع عـرايـس فـتـال=الأول يـشـلــه جــمــل والـثـانــي تـشـلــه غـــــزال
والـسـابـع لحـكـامـنـا أهــــل الــعــدل والأعــتــدال=حكـم العـدل خـيـر االبـلـد والأهـمـال سـبـب قـتـال
الأســـلام قـــال أعـدلــو وبــــرك رزق الــحــلال=يــوم الحـشـر مـاشـي ولــد باينـفـع ولافـــاد مـــال
حاكـم شـرع ذي ماظلـم فـي حكمـه ولايــوم مــال=ماهـو مـن لبـس عمتـه بيضـا فــوق زنــه وشــال
والثامـن عـن المرتشـي وهـل النصـب والأحتيـال=خلتـهـم نـفـوس الطـمـع ينـسـو ربـهـم ويــش قــال
خانـو دينهـم وهملـو ميثـاق الـوطـن فــي الشـمـال=لازم يـلـزمــوا حــدهـــم أو يـتـربـطــو بـالـحـبــال
والـتـاسـع حلـمـنـا بـحـفـر الآبـــار نــشــرب زلال=هـل يتحقـق الحلـم أم حـفـر البـيـر أصـبـح مـحـال
والعاشـر عـن المغتـرب فـي البـعـد مـارتـاح بــال=يبـكـي لاذكــر موطـنـه والأحـبـاب والـدمـع ســال
لاتسـتـغـربـو لــبــس دشــداشــه وســــو الـعــقــال=والـعـمـه تـقـلــه عــمــا والـخـالــه تـقـلــه خــــلال
والحـادي عشـر بعـد مــا تــم الـشـرح والأتـصـال=لجل المصلحـه والقيـم واجـب نتبـع أربـع خصـال
واجــب عـنـد جلساتـنـا نـتـرك طيـشـنـا والـجــدال=ون حان العمـل فـي البلـد نـزرع سهلهـا والرمـال
ون دار ت ضروف الزمن واجب نحتمي بالجبال=مـا تنفـع دشــم واهـيـه لـومـال الـزمـن واستـحـال
من يشتي كرامـه وعـز يمشـي بعـد خيـر الرجـال=والعـقـال ذي يعـرفـو ويــن المصلـحـه والـعـطـال
وأختمـهـا وصـلـي عــدد مــا وحــد لـربــه بـــلال=عالمخـتـار سـيـد البـشـر ميـمـاً حــا ومـيـمـاً ودال

[عاصم السحاقي]

قصيدة جميلة باللغة العربية الفصحى بعنوان ( صراع الكراسي ) كتبها الوالد بعد نكبة وأحداث عدن عام 1986 م 25/ يناير


لست ناسي ولن أكون بناسي = مايعاني شعبي وماذا يقاسي
كم بأرض من مخلصاً ووافي = قد تفانى مع الزمن القاسي
وهب الروح صادقا لبناء الـ = مجد في أرضه بجهداً وبأسي
أنهكت ساعداه من قبضت المـ = حراث في زرع سهلها والرواسي
وخطوب الأقدار ارتقو عليه = بعبوساً وفي الخطوب انتكاسي
كلما اجتاز محنة ونساها = لا حقته من الزمان المآسي
وأشد الأحزان ما ناله الشعب = من الشعب فاق كل قياسي
في الجنوب العزيز حل بلاءاً = أذهل الأرض والسما والناسي
وتهاوت من هوله جثث = الأطفال ولآمنين قد شاب راسي
والضحايا تطفو بمستنقع الأ = حزان هل بعد ذا يجوز التناسي
وعدن أصبحت عماراتها فيها = ركاماً ممزوجة بالنحاسي
ماعلمنا عذراً لحرب ضروساً = وقتال ونخوة وحماسي
لست أدري هل كان حرب عدو =أم بغى يكمن عدو لرأسي
هل تبعنا الأذناب كي نرضي الأ = سياد حتا نكون شعباً سياسي
أم لنرضى مخادعاً اتقن للإلحاد = أم غرنا الشعار الخماسي
أم ندمر مجداً ونقتل شعباً = ونسميه إنقلاب رآسي
ويح قلبي من ذا وذاك وهذا = ضاع شعبي مع صراع الكراسي

[الشاعرالشعبي]

شكر الك عزيزي على هذا المجهود

[ابوفهد السحاقي]

قمنا باعدة التسيق لتسهيل التصفح كما قدمهن الولد عاصم نصر السحاقي

[ كــــفــــا كــــفــــا قــــــــال الــســحــاقـــي كــــفـــــا= يـــاقـــلـــب يـاكــفــيــنــي عـــــــــذاب الــســنـــيـــن
جــســمــي نـــحـــل مـــــــن حــيــرتـــك واكــتــفـــا=ونـــــتـــــه مـــكـــانــــك تــتـــعـــبـــه بـــالأنــــيــــن
يــاقــلـــب مـــــــاذا صــــــــار بــــعــــد الــصـــفـــا=بـــعــــد الــســلـــى يــاقــلـــب مـــالــــك حــــزيــــن
خــلــيــت طـــرفــــي فـــــــي الـــدجــــى مــاغــفـــا=وســـــال دمــــــع الــعــيــن فــــــي كــــــل حـــيـــن
والــنـــفـــس ضــــاقــــت والــــســــرور اخــتـــفـــا=وتــهــامــســـو مـــــــــن حــــولـــــي الــحــاقــديـــن
قــــــد كـــنـــت عـــنـــد الـــهــــم تــبــكـــي خـــفــــا=والــــيـــــوم تـــجـــهـــر بــالــبـــكـــا والــحــنـــيـــن
هــــــــــواك خــــــــــلا هـــــمـــــي اتــضـــاعـــفـــا=وادخــلــتــنـــي فـــــــــي ســــاحـــــة الــهــايــمــيــن
لــــــكــــــن قــــلــــبــــي لــلــحــكـــايـــة نــــــفـــــــا=وقـــــال لـــــي عــــــن ســــــر صــــــادق يــقــيــن
قــــــــال الــســـبـــب فـــيـــمـــا ذكـــــــــر آنــــفـــــا=لـــمــــح الــنـــظـــر خــــــــلا فــــــــؤادي يــلـــيـــن
الـــعــــيــــن هـــــــــــي خـــلـــتـــنـــي اتـــكـــلـــفـــابــالــعـــيـــن تـــــبـــــدأ قـــــصـــــة الــعــاشــقــيــن
لأنـــــهــــــا شـــــافــــــت جـــمــــيــــل اتـــحــــفــــا=ســـاجـــي الــمــقــل فـــتـــان وجـــهــــه حــســيـــن
مـــــرنـــــح الـــقــــامــــة رشـــــيــــــق اهـــيــــفــــا=وجـــهـــه حــــــوى نـــرجـــس ولـــولـــؤ ثــمــيـــن
عـــيـــنـــي رأت حـــســـنـــه وقـــلـــبـــي هـــــفـــــا=مـــلــــهــــوف يـــقــــطــــف وردة الــيــاســمـــيـــن
نـــســـنـــس نــســيـــمـــه والـــــفـــــؤاد احـــتـــفــــا=وأصــبـــح مــقــامــه وســــــط قــلــبــي حــصــيــن
رمــــــــــا فــــــــــؤادي ســـهـــمــــه الــمـــرهـــفـــا=مــــــن نـــظــــرة أعــيــانـــة ونـــــــور الـجــبــيــن
وصــبـــحـــت أحــــبـــــه حـــــــــب لايـــوصـــفـــا=وهــــــو حـــلــــف مـــاحــــب غـــيــــري يــمــيـــن
حـــــتـــــى تــعـــاهـــدنـــا عـــــهــــــود الـــــوفــــــا=كـــنــــا ســـــــوى فــــــــي حــبـــنـــا صــادقـــيـــن
والــــيـــــوم مـــــــــدري لــــيـــــش رام الـــجـــفــــا=ونــــــــا حــســـبـــت أنــــــــه لــعـــهـــده أمــــيــــن
بــســبـــاب عــيــنـــي مــاحــصـــل لـــــــي كـــفــــا=يـــاقـــلـــب يـكــفــيــنــي عــــــــــذاب الــســنـــيـــن
لاعـــــــــــــــــاد تـــــتــــــنــــــدم وتــــتــــأســــفـــــا=أصــــبـــــر لـمــكــتــوبــك وربـــــــــك مـــعـــيــــن

[ابوفهد السحاقي]

اعادة تنسيق قال السحاقي ملامه لبوعاصم السحاق
قــال السحـاقـي مـلامـة = لخفـيـت حـبـي مـلامــه
حـبــي لـخـلـي حـقـيـقـة =مـالـي ومــال الـمـلامـه
حـبــي لـخـلــي مـخـيــر = والنـفـس بــه مستهـامـة
نـهـب فــؤادي وعـقـلـي = حسنـه وكثـر احتشـامـه
وصبـحـت هـايـم بحـبـه =ومبتـلـي فـــي غـرامــه
لـسـؤ حـظــي هـجـرتـه =وأصـبـح فـراقـه نـدامـه
أمـسـي مسـامـر خيـالـة=والطـرف يفـرق منامـه
إتخـيـلـه كــــل ســاعــة=وذكــر رشـاقـة قـوامــه
والوجه ذي كنت أشوفه=كـالـبـدر لـيـلـة تـمـامــه
ويــوم لـحـظـة وداعـــه=وقـفـت لـحـظـة أمـامــه
وشـفـت عيـنـه حـزيـنـة=ودمـعــتــه كـالـغـمـامــه
سـلــم وعـيـنـه تـنــادي=وقـال لـي فــي رحـامـه
عـسـاك يـانـور عـيـنـي =تـعــود لـــي بالـسـلامـه
أثـــر بـقـلـبـي وداعــــه =وهــز جسـمـي كـلامــه
ونـظــرة الـعـيـن مــنــه = ســوت بقلـبـي سـمـامـه
رجــــع ويــــده تــأشــر = وأنا أنسحب مـن أمامـه
كـنــه طـعـنـي بخـنـجـر =أو مــد نـحـوي سهـامـه
رحـلـت والعـيـن تبـكـي =والـقـلـب زاد اهتـمـامـه
والشوق ذي في فـؤادي =ســـوا بقـلـبـي عــلامــه
حبـه شغـل كـل فـكـري =والـيــوم زاد احـتـرامــه
مـارضـا لقلـبـي بـديـلـه =لـــو بـاتـقــوم الـقـيـامـه ]

[ابوفهد السحاقي]

ابوعاصم السحاقي هموم مغترب

يالله تـجـلــي هـمــنــا والــكـــرب=ونــجــنـــا شـــــــر الـمــصــايــب
مـنــك إلـهــي سـلـتــي والـطـلــب=ســهـــل لــنـــا كـــــل الـمـطـالــب
وغفـر لنـا الــزلات يـامـن وهــب=واتــقــبـــل الــتــوبـــة لــتــايـــب
بتـحـمـدك مــاكــل راقــــم كــتــب=الـحـمـدلــك والـشــكــر واجـــــب
وألاف صلو عد مـا المـزن صـب=وأصـبـح جمـيـع الطـيـن شــارب
عـلـى محـمـد سـيـد كــل الـعــرب=آمـــن وحـائــز أعــلــى مــراتــب
قال الذي فـي الهجـر ذاق التعـب=سـاهــر ونـــوم الـعـيــن هــــارب
هـمـي طـوانـي والـفـؤاد الـتـهـب=والــعــقــل بــالأفــكــار تـــاعــــب
حنيت من جوفـي وصـاح اللجـب=مــــن بـاطـلــك يــاوقــت عــايــب
فـي غربـتـي حـايـر وزاد التـعـب=مــن صغرسـنـي صــرت شـايــب
فارقت أرضـي قلـت بجنـي عنـب=والــيـــوم قـاســيــت الـمـتـاعــب
كم ناس فارف موطنـه واحتجـب=ولايــفــكـــر فـــــــي الــعــواقـــب
يرحـل وفـارق كلمـا القلـب حــب=أهـــلـــه وخـــلــــه والأقـــــــارب
وطفـل مالـه علـم ويـش السـبـب=إذا نـطــق لـــه صـــوت شـاحــب
كتيـب سئـل ويــن أبــوه أغـتـرب=فــــي أي دولــــة كــــان غــايــب
إذا تـقـلـه ويـــن أبـــوك انـتـحـب=فـاضــت عـيـونـه دمـــع سـاكــب
وبوه في الغربـة سـرح بالمسـب=وعـــــاش مــتـــزوج وعــــــازب
مايحسـب أيامـه وكـم قـد حـسـب=جـمــلــة ضــمـــارة والــرواتـــب
مابايـفـيـدة مـــال مـهـمـا كـســب=لــــو مـكـسـبـه حــمــل مــراكــب
ولوكسـب فـي غيـر أرضـه ذهـب=مـاتـنـفـعــه والــعــمــر ذاهــــــب
هـذه حقيقـة واسئلـو مـن جــرب=وشـــاف فـــي الـدنـيــا تــجــارب
والله منـسـا يــوم عـاصـم حــزب=وخــــوه جـنـبــه كــــان حــــازب
فارقتـهـم والـدمـع مـنــي سـكــب=يـنــزل كــمــا قــطــر الـسـحـايـب
يوم السفر جسمي كما النار شب=والـنــاس مـــن حـولــي تــراقــب
حسيـت فـي داخـل كيانـي صخـب=مـن يــوم عـاصـم كــان غـاضـب
قصده معي يخرج لحـق واقتـرب=زعــــــلان وعــيــانــه تــعــاتـــب
مايدري أن وقـت الفـراق انكتـب=ذا حــظــنــا والــــــرب كـــاتــــب
يهل اليمن من يغتـرب فـي حنـب=صــيـــح ولا واحــــــد يـــجـــاوب
لاتـنـقـدونــي لاتــزيـــدو عــتـــب=فـــي غـربـتـي مـاكـنـت راغــــب
لوتعلمـو لـيـش المـواطـن هــرب=وفـــــارق أرضـــــه والـحـبـايــب
وفـضـل الغـربـة وأرضــه أحـــب=فــي موطـنـه يـلـقـى المـصـاعـب
لـوقــال يـرجــع لابـــلاده حـســب=كــــم بـايـحـمـل مـــــن غــلايـــب
من ناس تعمل فـي بلدنـا العجـب=يــعــامــلـــونـــا كــــالأجــــانــــب
يتـلاعـبـو بالـشـعـب كـــم ذنــــب=أهــــــل الــحــيــل والـمـنــاصــب
آفــات خـلـت شعبـنـا فــي مـهــب=خــايـــن ومـسـتـهـتـر وكــــــاذب
هـانــو بـلـدنـا فاتـحـيـن الـجـعـب=لـلـشـعـب كــــم ســــوو مـكـايــب
خلـو خبيـث النفـس يملـي زعـب=ويــــن الـمـراقــب والـمـحـاســب
حتـا الطـرق فـي كـل كيلـو مطـب=نـقـطـه أمـامــك قـــف وحــاســب
ودفــع لـهـم مــن غـيـر قـلـة أدب=حــق ابـــن هـــادي والـضـرايـب
شـرع العقيـدة ضعـوهـا النـصـب=وحــاربــو عـــــرف الـمـنـاصــب
وهـل البـدع ذي يحمـلـو بالـرتـب=وبــالــوجــاهـــه والــمــكــاســـب
مافـاد معـهـم عــرف ولا صـحـب=بالـحـقـد يـنـســو كــــل صــاحــب
مـاعــاد يـشـتـو للقبـيـلـي نـســب=ويــش الـضـرر يـهـل الـمـواهـب
يشتـو يـردو صخـر صـمـا خـلـب=ونـــمـــار تــخــضــع لـلـثـعـالــب
وبـعــد ميـسـانـي نـــزرع عـبــب=والــديــك نـعـمــل لــــه مـخـالــب
لفكارهـم مـولـى الكـرامـة غـلـب=شـعـب اليـمـن رافـــض وغـالــب
مـانــوافــق لـونـصـلــب جـــــرب=والشـمـس تـشـرق مــن مـغـارب
والختم صلي عد ما المـزن صـب=وأصـبـح جمـيـع الطـيـن شــارب
عـلـى محـمـد سـيـد كــل الـعــرب=آمـــن وحـائــز أعــلــى مــراتــب

[ابوفهد السحاقي]

ابوعاصم السحاقي مشاعر وطنية
ياكـواكـب سجـلـي مـجـد البـلـد =فـوق هامـات السحـاب العاليـة
وأعلني عن حكمة القايـد حمـد =واكتبيهـا فـي سمـاك الصافـيـة
واشرحي للشمس ونجوم السعد =كيف أبو مشعل صفاته ساميـة
رافـع البيـرق علـى الله اعتـمـد =مهتـدي بالحـق نفسـه راضـيـة
للـعـلا قــاد المـسـيـرة واسـتـنـد =فـوق دربــه بالـرجـال الوافـيـة
سطـر وصفحـات تبقـى لـلأبـد =دوم تحكى عـن قطرنـا الغاليـة
ياأميـر الشعـب لـك مـنـا عـهـد =بعـد خطواتـك خطـانـا ماشـيـة
في ضمير الشعب تقديرك خلد=والـوطـن مـنـا حـقـوقـه بـاقـيـة
فـي الشدايـد عـاد وقفتـنـا أشــد=بالدمـاء نفـدي قطـرنـا الغالـيـة
مانهاب الموت ونفوس الحسـد=ماتـلاقـي غـيــر نـــار حـامـيـة

[ابوفهد السحاقي]

بدع ابوعاصم السحاقي الى ابوقيس العلفي
قال السحاقي مايأثر * راسي ولا نهجي يغير=مادمت في ديني مخير* دستور ماخالف مساره
ماهمني من خاب واغتر* وخالف المعروف وانكر=ومن على دينه تنكر* بقاه في الدنيا خساره
الليل ياراسي تنهجر * اطلق شراب النار لحمر=دمر قوى الالحاد والشر * اهل الوجوه المستعاره
والمجتمع خله يطهر* من العفانه قبل تظهر=لا تترك الافآت تكبر* زيل الوباء قبل انتشاره
ويارسولي لاتأخر* مادام بحر الشعر دفر=اسحب لجام المهر الاشقر* وشل من عندي اشاره
اعزم ومكتوبي مصدر * للحاشدي اللي تبور=قله يعلّم كيف يشعر*وإلا شرب شأس المراره
شفته عليّ جا يعنتر * وانا الذي قلبي تصبر=والآن انا بالفعل مضطر* اعمل وجاهد في دماره
قد جاز لي ذّكيه وانحر * وخّزق اعيانه بخنجر=وهاجمه من كل محور* وقطعه واجزر جزاره
مهما شطح والا تطمر*حلفت مايفلت مشزر=ما برحمه مهما تعذر* قد فات ميعاد اعتذاره
ارسلت له خطي معطر * ورد بدال العطر ترتر=ماكان من حقه يبور*من بعد ماعليت اعتباره
يالعلفي نشتي نحاور * مادام قد وجهك منخر=خراطمك سبعين واكثر*وفوق راسك مية شاره
جاوب سؤالي ياغضنفر * ايش الذي خلاك تذعر=تترك رفاقك والمعسكر* وتهجر الحاكم وداره
يمكن خشيت العمر يقصر * أو هددك مأمور خنفر=أو ربما تشتي تحرر* فقلت ترحل من دياره
وإنما عقلي تحير * ليش انت بالأذناب تفخر=ماجيد بالخائن يجور* والحر بكفيه الإشاره
حبك لهم لازال يكثر * ذي ختموا لك مثل جعفر=في حزنهم قلبك يكدر* وافراحهم عندك بشاره
والثانيه ذي قلت نحذر * من الحمل أياك تعثر=قال المثل والعارف اخبر*سم المثرثر في هداره
احذر تشلك ريح صرصر*من نود ايلول المظفر=شف ذي تكسر مايجبر* اهجع ودخن لك سجاره
أما جبن لو با تذكر * صمودها في البرد والحر=شفتوا بها الموت المحير*يوم البلأ عمد غباره
مقامها عالي مطهر * ماعينها تدمع وتضجر=قد شفت شيطانك تقهقر* فيها ولا روح ضماره
نهار كمن ذيب كشر * وطارد القطعان في البر=كم منهن عقر وعزر* هالك صموده وانتصاره
جبالها كانت سقرقر * كم راس في دامن تطيفر=وذي جرح دمه تطير* وذي هرب قصيت اثاره
ومن جهة كمن موقر * أحذر ببحر الموت تمهر=لا تطلع العالي تكسر* شامخ جبن حذرك حجاره
والدين من له دين يظهر * مع زمنا والمقدر=لابد من خمده ومزجر*كلأ يخذ ذي من يساره=
هذا وذي منك تحرر *عني فانا باقول واجهر=داخل جبن فكري تنور* وجبت لك دبلوم اماره
باقولها بالصوت وافخر * اني تبعت الدين لكبر=واهل اللحي في كل منبر*اهل القيم واهل الطهاره
مالي صله في من تستر * ولا مع الدجال لعور=والعار لو صاحب مسير*افهم تفاصيل العباره
شف مبدئي بالعُرف يذكر * في وقتنا والوقت ذي مر=وزيف هذا الوقت ماضر*قد كل من عارف بجاره
وانته كفايه لا تستر * وتشتم الحزبي وتسخر=وانته بوديانه مسبر*واليوم خاضع لحتكاره
مادام قد عقلك قد تخدر * واسمك نشر في خس دفتر=لا تنتسب لا شعب حمير*ولا إلى ارض الحضاره
شعب اليمن اجواد جبر * ما يقبلوا مجرم تعنصر=لو بينهم تحضر بمحضر*يرموك من قمة سماره
لو كان عندك عقل فكر * ماتفاتل اصحابك وتعثر=افهم صميم القول واحزر*ماجيد يقبل هدم داره
قد كان أولى بك واجدر * تحرس كيان الدار لعصر=من كل شوعي أو مزنر*يريد تحطيم العماره
مافايده تدخل بمهتر * ضدي وانا ماريد تخسر=والنار من حولك بتسعر*كلاً بيرهف لك شفاره
وفي جوابك ذي تأخر * جاني خبر منك معشر=عن القضاء سويت معشر* واهل العمايم والوزاره
والعدل في صنعاء ومعبر * دستورنا صاغه وقرر=وشعبنا ناضل وجمهر*واعلن شريعتنا شعاره
إلا إذا القاضي تهور * ومال باحكامه وعصور=وفي قضايا الناس تاجر*مفروض عزله واحتقاره
هذا وماريدك تذمر * والرد ماريده يأخر=يكفيك مني ماتيسر*ومن وسط مكريبي شراره
والاف انا صلي مكرر * على النبي طه المنور=ماراعد الامزان زمجر*وعقبت بهده مطاره
جواب الشاعر الكبير ابو قيس العلفي على الشيخ نصر السحاقي =

والحاشدي مـاذا المقـدر * بلشـه بلشنـا باصـور =ادورلقدر يترجم مـا قـد اضمـر*ولا رضـي يوقـف هتـاره
خسـر خسـاره لا تقـدر * واحتـار فـي امـره وفسـر=يزقر بالايمـن أو بالايسر*ضيـاع مـن ضيـع ضمـاره
أمهر ببحر اوهامك امهر * واترك دمـوع العيـن تمطـر=حسره على البـر المطير*واحـذر مـن انيـاب النمـاره
قد قلت لك يا نصـر الدبـر * لاتبيـع بالجملـه ستطفـر=تجـرع الكـأس المصبـر*لا بـل ابوهـا مـن تجـاره
أشرّت لك والغيـر اشـر * ويـن النمـر بالصايبـه مـر=لكـن خسـاره شـاور اصور*وفّهـم اعمـى بالإشـاره
والآن لنتـه بـا تعجـر * ومستعـد تتـعـب وتسـهـر=ماخـاب مـن تابـع ودور*إنـزل بنـاء واطلـع حـذاره
شل الخبر من خير مصدر * واحذر نوايـا السـر تظهـر=شف مـن فتـح حلقـه وثرثر*مـا والنبـي يأخـذ بثـاره
عروقها في خـور مكسـر * بسمـل وقـول الله واكبـر=وخـذ بـذي شلـوا معشـر*وإلا اتبـع الكومـي شتـاره
هـذا اذا قصـدك تطهـر * ويرتفـع راســك مشـقـر=والا اقتبـر لـك لا تطمر*مالـم تكـن فيـك الـجـداره
ماهل عسى والا فانا اخبر * ذي يقضـي الساعـه يـوزر=ومثلهـا ساعـه يشرشر*مابـا تـجـي مـنـه امــاره
وانته سرى يا عـازم ازقـر * جوابـي الشافـي مسطـر=شله مـع اول ميـج شمر*ماهـو كمـا راكـب حمـاره
والثانيه من انذر اعذر * ذوق الخبـر يـا نصـر واحـذر=تتجاهـل انـذارك وتسخر*بايرتفـع ضغـط الـحـراره
ماكان بـه داعـي تكبـر * لا قـد معـك آلـي وميـزر=حالت على كسـرى وقيصـر* لا تأخـذ الدنيـا جسـاره
لني بشوفك جيـت محتـر * داهـم كمـا الجـزار لعـور=فعلتـهـا حـشــره ومـحـشـر*لله درك يـاعـمـاره
من اين قد جبت المجنزر * ومن متى قـد صـرت تنحـر=وخنجـرك خنجـر محسر*سنـه وقشـر بـه خـضـاره
عليّ انا تشتي تنمر * وانا اعرفـك مـن سـن حدعشـر=مـا آن أوان اكشـف مستر*غـط البطانـه بالظـهـاره
با تنتحر لو قول واجهر * واكشـف عيوبـك بـا تعـزر=تمـس لا ماسيـك واهتر*قـنـاع وجـهـك والسـتـاره
كـف الهـرا وايـاك تغتـر * بمبـوري غشـك ودبــر=وشجعـك تنـهـم وتشعـر*ضـدي وتعلنـهـا جـبـاره
ضرب لك الطاسه وزمر * وقمت ترقص رقصـة اكسـر=ضحكتنـي وانتـه تحذور*مـن وادي ابيـن لا شـهـاره
لا لا تقامر حيث تخسر * لنته وهـو شطـار انـا اشطـر=بـا كـدف الرانـي بجوكر*وطفـرك مــارك ومــاره
تقنعوا قد ماحـد اقـدر * غيـرك وغيـره يهـدم اعصـر=هيهـات هيهـات ان يدمر*حصيـن مـتـرادم حـجـاره
ومن خلق آدم وصور * ما احمل لكـم عوجـا ولا اقهـر=لـو تحتـرق بقعـا وتسعـر*ومـن تـعـداء يـادمـاره
من دور الفتنه تضـرر * وانـا متـى ماكنـت مضطـر=بـا واجـه الاسـرار بالشـر*ولا بقـي نـفـاح نــاره
ومن جهة مأمـور خنفـر * مـا هـدد العلفـي ولا انـذر=ولا هنـاك اخطـار تذكر*دعتنـي ارحـل عـن ديـاره
غادرتها راضي مخيـر * ماهـو خشيـت العمـر يقصـر=وعـشـت بامريـكـا ثنعشر*كأنـهـا شـهـريـن داره
ولا تقـل عبـدالله انكـر * انـه مـع اول مـن تعسكـر=نعـم وعيـب اكـذب وابور*سرنـا بهـا سيـره وغـاره
لكـن عليـك اول تخبـر * مـاذا دفـع بوقيـس يصهـر=في حزب كله شر في شـر* وهـل افـاد ام ضـر جـاره
كانت همل مـن كرهـا كـر * وملعبـه والكـل مسيـر=في يد جروميكو وروجر* ذا اشـرق وذا غـرب قطـاره
هذا يقـل رجعـي مزنـر * وذا يقـل شوعـي مخنـزر=وحرب يا مدفع وهـوزر* واهـل الرتـب تجنـي ثمـاره
وذاك ذي ماكان يذكـر * شهـر صميـل اخضـر مقشـر=جلـد وشمـت بـه وعـزر* لعـب بكيفـه واختـيـاره
عرفت وايقنت ان سقرقر * با تحـرق اليابـس ولخضـر=في ظل وضع اصبح مدهور* عاجز يضع حـج للاثـاره
فقلـت واجبنـا نـأزر * والحـزب ذا مـا بـا يقهـقـر=ما لم تشـارك فيـه جبـر* مـن داخلـه تقلـب مسـاره
هذا السبب لا قـل ولا اكثـر * دعانـي انظميـت مجبـر=غامرت في وضع احمر اصفر* تحيطه امـواش الجـزاره
خضت الخطر الفين مخطر * ادحن خطر وادخل في اخطر=لاحين مـا جـت هيلوكبتـر* وشلـت العلفـي وطـاره
وعـام قضيتـه مخفـر * بالقيـد والـمـرود مــزرزرفـي قصـر= مـولاك المسفـر* زنزانتـه مثـل المغـاره
ذه قصتي وانته به اخبر * وابـو شـوارب وابـن لحمـر=وابـن القمـش غالـب مطهـر* عنـده ملفـي بـالإداره
نهار حـن اليـوم لغبـر * داخـل جبـن ماظـل صيفـر=ممـن بتمدحهـم وتفـخـر* الجـيـد لفـلـف قـشـاره
وايش الـذي هاشـك تذكـر * مأساتنـا نسيانهـا اخيـر=كانـت ورق واللعـب بوكـر* والفايـده فيهـا خـسـاره
ماحد من العوره تعـور* مـن شلتـك يـا شاعـر اقـور=ولا صمد في البـرد والحـر* غيـر العساكـر والخفـاره
ظل البطل والفسل غادر * مـن قبـل اذان الفجـر بكـر=واصبح في البيضاء يفطـر* تـارك جبـن معلـن فـراره
وامسى اللواء الخامس يصدر *في كل ترسانـه ومحـور=صد كم احمـر عيـن قـرر * يهاجمـه فـي عقـر داره
مواجهه مدحـر بمدحـر * لا احمـد ولا حمديـن قصـر=لو شفتهم في كل معصـر* مـا اعليـت للفسـل اعتبـاره
لكـن فماهـل علـم دفـر * قديـك حـول الكـر والفـر=وانته في الدوحه تمخطر * ناطـور فـي قصـر الزبـاره
واليوم لو ظرفـه تغيـر * وعـاد بعـد الحـرب ذي فـر=مدعـوم مـن عمـه معمـر* كـذا الزمـن تـاره بتـاره
اصبر لناصر يـا منصـر * وايـام عمـره بـا تقاصـر=لا تحسـب انـه بـا يعمـر* هالـك ومالـك بأنتـظـاره
عسـى وايلـول المظفـر * والقائـد الـحـر المـوقـر=يعـرف بـذي طلسـم وزور* وبعدهـا يصـدر قــراره
هـذا وماحاجـه تمشطـر * صعيـب تجمـع مـا تبعثـر=لو عقلـك انتـه صـدق فكـر* ماكـان قديـت المنـاره
حذرتني من نـاس بربـر * حيـا لهـم ماعـادك اعسـر=شاهر بوجهـي صـارم ابتـر* تريـد تجزرنـي جـزاره
خطيئتـك اكبـر واكبـر * مـن ان تكفـرهـا وتغـفـر=لكل شيئ حـد لا تعصـور* علـي انـا هـذه الشطـاره
بدال ما تعضـد وتزقـر * سيفـك معـي سنيـت خنجـر=تذبح صهيرك به وتنحـر* لا بـل ابوهـا مـن صهـاره
لكن على كيفك تنهجر * من جيـز غيـرك عربـد ابطـر=وليـش مـا انتـه بـا نأثـر* منـك ونـأخـذ كـبـاره
ماعـاد باتأسـف وحسـر * قـد اقرنـت سحـل ووحـر=وصلحـت فحشـا ومنكـر* جرادتـك شطـت غــراره
من حيـث سبتوهـا تأمـر * وهـي لكـم كانـت تسيـر=يا اهوى على السبع الغضنفر* بعده سقط عـرش الإمـاره
واهل العمايـم لا تنكـر * مـا يستـووا غلطـان تعثـر=قايـس وميـز قبـل تعثـر* بيـن الطهـاره والـقـذاره
ولا هنا بـو قيـس حـرر * جـواب مـا مثلـه تحـرريسّـر =لـه الله ماتعسـر* واعطـا لبـو عاصـم فطـاره
واختم وصلي الـف واكثـر * علـى رسـول الله لزهـر=شفيعنـا فـي يـوم نحشـر* ياسعـد مـن حـبـه

[ابوفهد السحاقي]

جواب ابو عاصم على الشاعر ناصرعلي فدامه
يالله طلـبـنـاك تـجـلـي كـــل هــــم=يافـرد ياقـادر يامهيـمـن ياعظـيـم
يامـن خلقـت ابــن آدم مــن عــدم=والـكـون تمـمـت خـلـقـه ياحـكـيـم
ياعالـمـاً ســـر عـبــدك ذي كـتــم=تـعـلــم بــكــل الـنـوايــا يـاعـلـيــم
يــارب أسـئـلـك بـمـكـه والـحــرم=تغـفـر ذنـوبـي وتـرحــم يـارحـيـم
والحمـدلـك عــد ماالـراعـد زجــم=وعـمـنـا خـيــر فـظـلـك يـاكـريــم
وصـلــي الأف ماالـكـاتـب رقــــم=عـلـى محـمـد عـعـد حــب التـلـيـم
طــه النـبـي ذي تـرفـع واعتـصـم=شفـيـع للـخـلـق مـــن نارالجـحـيـم
يقـول نصـر السحاقـي مـن حـزم=جملـه أمـوره فهـو راجــل حكـيـم
ومـــن تـجـمـل بعـلـمـه واغـتـنــم=علمـه لخيـر العمـل ربـحـه مـديـم
ومـــن تـمـهـل بـحـكـمـه مـاظـلــم=ومــن يتـابـع هـــوا نـفـسـه يـهـيـم
مــن بـعـد يامرحـبـا شـاعـر قــدم=من حزم تنحم وله هاجـس كظيـم
يامـرحـبـا لا وزا شـامــخ أصـــم=بضيـف واعـي وفـي رأيـه فهـيـم
قلعـة جبـن رحـبـت ماالـبـرق لــم=بصاحـب الـقـول والـخـط النمـيـم
ذي رتـب أبـيـات بالمعـنـى نـظـم=محتار يشكـي مـن الوضـع الأليـم
وضـع العـرب ذي تدمـر وانهـدم=يفـوح مــن ذكــره الـشـم الوخـيـم
ضاعت صفات العروبـة والشيـم=أهوا على الأصـل والمجـد القديـم
ماللـعـرب فــي الحـيـاة إلا الـنــدم=مـــادام والـكــل هـايــم مسـتـهـيـم
شـعـوب ياصاحـبـي مـثـل الـغـنـم=تمسي عشا الذيب والراعي غشيم
أيـن الشـرف ياعـرب أيـن الهمـم=ياللأسف وأصبح الصاحب غريم
بـاعــو لـخـدمـة مناصـبـهـم قـيــم=وارهبهم اللي نصف جيشه حريم
ذاك النتـن دنــس الأقـصـى وكــم=قــتــل وهــــدم مـنـازلـهـا هــديــم
جـمــع يـهــوده وعـربــد وانـتـقـم=وزاد حـقــد الـمـهـاجـر والـمـقـيـم
أخــذ فلسطـيـن بالـكـامـل وضـــم=جـولا تنـا وأرض لبنـان الصميـم
وبيل كلينتـون علـى الباقـي هجـم=علـى العـراق اتقـن الفعـل الأثـيـم
فـي أرض بغـداد سـال السيـل دم=وحـولـتـهـا الـقـنـابـل كـالـصـريـم
وأحـنـا حسبـنـا الضـحـيـة مـتـهـم=لـمــا تـبـعـنـا ورا قــــول الـلـئـيـم
ذي هـان كـل العـرب بيـن الأمــم=غربـي صليـبـي وبخـلاقـه ذمـيـم
لعـب بـأرض العـرب كـورة قـدم=وكــــل قـاداتـنــا بــعــده خـطـيــم
قـالـو لــه أنــت المحـكـم والحـكـم=مـن خالفـك غصـب عنـه يستقيـم
دمـر بلدنـا مـن نسـي كلـمـة نـعـم=وبالـصـواريـخ تـردمـهــا رديــــم
والــرأي لــك فجتمـاعـات الـقـمـم=نصـدر قـرارات ماتشـفـي سقـيـم
تـصـدم معـمـر وصــدام انـصـدم=مـن ينتهـج نهجـهـم عقـلـه عـديـم
أمـا الشـعـوب المريـضـة بالسـقـم=لاقـام مـن نـام نـوم أهــل الرقـيـم
شعوب عند الغضب تحـرق علـم=ويـرجـعـو يـسـمـعـو عبدالـحـلـيـم
ماهـمـهـم مــــن قــتــل ولاهــــدم=ولايـثـورو مــن الأمـــر الجـسـيـم
هذا اختصـار الخبـر والشـرح تـم=مافـادنـا يـالـعـرب كـثــر الـدويــم
أمــا جـمـال البـطـل قـمــة هـــرم=زعـيــم بالـفـعـل مامـثـلـه زعـيــم
وصـلــي الأف مـالـكـاتـب رقــــم=عـلـى محـمـد عــدد حــب التـلـيـم
طــه النـبـي ذي تـرفـع واعتـصـم=شفيـع للخـلـق مــن نــار الجحـيـم