ديوان الشاعر همس النسيم (( خالد محمد بن نسرالبكري))

[همس النسيم]

صارت علاقـــتــنا على كف عفريت = ريشه بوجه الريح ضلت اثرها
ماعاد ينفع للأسف قول ياليت = عمر ألاماني ماتغير قــــدرها
كم صحت لك وبعالي الصوت ناديت = كنت احسب ان نفسك بتاخذ حذرها
تعبت من كثر احتمالي ومليــــت = والروح توشك فيك تــفــقد صبرها
ماهي غريبه لو بلحظه تخـــليت = حقــيقة افعالك تــبرر عــذرهــــا
رقة أحاسيسي بها انته تسليت = وجبت في لحظه قصيره خبرها
حطمتها وبكل قسوه تجنـــيت = واطفيت مصباح الأمل في نظرها
لاشك في لحظة شقاها تعنيت = رسمت في رمش التعاسه سهرها
اكيد باللي صار فعلاٍ تهنـــيت = وإحساس نفسك بالسعاده غمرهـــا
مع الأسف متحقــق اللي تمنيت = وحس قلبي كل حــاجه خسرهــــا

[همس النسيم]

كنت اظنك صلب شامخ ما تميل = ماتأثر بك مواويل الوشاه
ماتهزك بالشتا ريح الاصيل = او تغير مبدائك طور الحياه
كنت اقول ان منطقك ماله مثيل = حتى صرت باي شكل اطلب رضاه
عمري ما تخيلت يصبح لك بديل = حتى لو خان الندى زهرة شذاه
كنت اظن الناس من مثلك قليل = وان حبك بحر شاسع في مداه
تهت بعيونك وضيعت الدليل = واختنق صوتي بدوامة صداه
ضعت مابين الأمل والمستحيل = بعدما قلبي فقد لذة هناه
انصدمت بهول مأساة الرحيل = ياتعب من ينحرم رقة ضناه
مايكفيه الدمع مهما يسيل = او يعوضه الاسى لحظة مناه
ابتدا ليل المعاناه الطويل = يغزل اشباكه على كفة عناه
يحرق بجمر الجفا واقع جميل = احتضن اخر امل بين الشفاه
يروي مأساه اسمها عابر سبيل = مادرا وش ذنب كل اللي جناه

[همس النسيم]

شميت عطرك في بقايا ثـــيابي= رجعت ماضي حبنا وافتكرته
سافرت بافكاري ورحلت شيابي= اجمع شظايا جرح مؤلم نزفته
حاولت لاكن خان حسي جوابي= من كثر ما عانيت منك وشـــفته
طويت بعد الهم صفحة كتابي= بعد الذي من كاس مرك شربته
مع الأسف ماعاد ينفع عتابي= مادام سيف الغدر فيني غرسته
ضيعتــني فجئه بعتمة ضبابي= والشوك في سكة غرامي زرعته
كنت اعتــقد انك تفهمت مابي= والظاهر انك منطقي ما فهمـــته
حسيت انك تســتــلذ بغيابي= وتحب تــقهر قلب بــيدك اسرته
مع الأسف ضيعت حسبة حسابي = ماعاد في شي اخسره ما خســـرته

[همس النسيم]

وش تقول بشخص مثلي مات فيك =حبـك لحـد الجنـون ومكتفـى
لو نسى عمره وروحه مانسيـك =دام حبـك نبـع صافـي للوفـا
باع عمره لجل خاطـر يشتريـك =ذل نفسه رغـم صـدك والجفـا
اعتبـرك بدنيتـه اغـلا شريـك =مثل نجمه في سما حبـك هفـا
كل مابه من وله شوقـه يبيـك =انسحر بـك وانبهربـك واحتفـى
لو تكون بأخـر العالـم يجيـك =دام شوفك فيـه للـروح الشفـا
كم تمنى فـي عيونـه يحتويـك =لجل يسري فـي حنايـاه الدفـا
ذاب فيـك وكـل وده يرتـويـك =شع شوقه نـار بيـدك وانطفـى
بسم اغلا مـن تعـزه يرتجيـك =لا تخيـب ضنـه بلحظـة صفـا

[همس النسيم]

صارت ألاعيبك قديمه زياده = رح جرب العبها على شخص غيري
اتكررت حتى اصبحت فيك عاده = ماعاد تنفع كلها يا صغيري
مع الاسف ما اثره بي وفاده = بالعكس من عشك نوا الهجر طيري
حرمتني طعم الهنا والسعاده = ياشخص جاحد مانفع فيك خيري
ذبلت وردي قبل موسم حصاده =عكرت صفو الما على سفح بيري
احرقت حبي مابقي الا رماده = وتدعي بألاخر انك عشيري
اكيد تتوهم ترا لي اراده = محال نسماتك تلطف اثيري
كلن يحب وكل من له مراده = وطبعآ انته ما اعترف بك مصيري
قنعت منك والقناعه سياده = مرجع ولو سهلت رجعت مسيري
كرامتي ماتسمح اخضع زياده =يصعب على مثلك يحرك ضميري

[همس النسيم]

الله يسامح من حـرم عينـي النـوم =وصار مصـدر لـلا لـم والتعاسـه
لي ماشعر فينـي ولا حـس باللـوم =وزادنـي فـوق الجـروح انتكاسـه
بيني وبينـه اصبـح الـود معـدوم =مـن بعدمـا فـرط بحبـي وداسـه
وش شفت منه غير اهـات وهمـوم =واسلوب قاسـي يتسـم بالشراسـه
واحساس زايف ما اشوف ان له الزوم =لاني رافـض فكرتـه مـن اساسـه
حب من طرف واحد مع الوقت ميدوم =سرعـان مايفقـد بسرعـه حماسـه
الحب ظالم واغلـب احيـان مظلـوم =واحنا السبب فينا بلـغ حـد ياسـه
مثلك عديم الحـس لابـد لـه يـوم =لابـد مايـذوق الـمـراره بكـاسـه
بالفـخ يوقـع بعدمـا كـان بيحـوم =ويندفن فـي باطـن الوحـل راسـه
الكل يغلـط مافـي انسـان معصـوم =بس غلطة الشاطـر تـدرس دراسـه
كل شـي بالدنيـا مقـدر ومقسـوم =والخايـب اللـي مايقايـس قياسـه

[همس النسيم]

مخطيه بالراي لاكني معك = مستعد اوقف بوجه العاصفه
جهل العالم بحاله واسمعك = انتي بس تحلى معاكي السالفه
صلبك في عمق ذاتي وازرعك = بسمه في صلب الجروح النازفه
وانثرك في افق روحي واجمعك =واغرسك ورده بحقل العاطفه
صور المولى جمالك وابدعك = ميزك باعذب مشاعر جارفه
ساحره متميزه ما اروعك = بللي ريق الشفاه الناشفه
بردي نار العشق وش يمنعك = وارسلي همسه رقيقه خاطفه
خلي احساس المشاعر تدفعك = حرريها لا تكوني خايفه
لو طلبتي نور عيني ممنعك = الامر امرك ونا ما خالفه

[همس النسيم]

تأكد قبل ماتاخذ قرارك = بان اللي جرا من حسن نيه
ولاقصــدي أثير اضنون نارك = ولا تسبب بإلحاق الاذيه
أحس انك تبي تأخذ بثأرك = وتـقصدني آنا دون البقيـــــه
تحملني آسى جرح انكسارك = ومالي يد في كل القضية
تجيــني بعد ما طال انتظـــارك = توجه صدمة العمر القويه
بتــتباها بأفراح انتصــــارك = وتستمــتع بإذلال الضحيه
غرورك كان لبنة ساس دارك= وكبرك صار نبراس الاسيه
طموحــك فاق تصـوير اعتبارك = وحلمك جاوز أبعاده شويه
خيوط أحلام شمسي من نهارك = ومجــدافي أمل قلبك نسيه
كسرت القيد في كفة حصارك = وضميتك أمل ماله هـــويـــه
آنا ألتا يه ورا خطوة مـســـارك = أدور درب يجمعـــنا سويه

[همس النسيم]

اه من مابي على حالي بكيت =صرت امر بوضع لا احسد عليه
كارثه حلت وبسأل ايش سيت =ايش ذنبي وليه انا بالذات ليه
من ظلمت ومن عليه انا افتريت =حتى اواجه ووقع بشر البليه
من يصدق من بيسمع لاشكيت = غير ربي برفع الشكوى اليه
هو اللي قادر يبلي من فيه ابتليت =هو اللي ضني دايما ميخيب فيه
ليت دمعي ينفع ويا ليت ليت =كان ببكي قهر عالنفس الشقيه
نفس لاقت بالتعاسه مالقيت =والمصيبه ماشعر فيها البقيه
مشكلتها لاشكت ينهار بيت= وان بتكتم همها ماتة وفيه
ماتريد اتصب فوق النار زيت =او تعكر صفو لجواء النقيه
او يصير الامر له سمعه وصيت =او بتخسر ود منهو ترتضيه
ياما ضحه باغلا ماتملك وريت =تظحيتها فاده بشي ترتجيه
حملوني ذنب شي ماله سعيت =امر متقدر ومالي يد فيه
خيبوا ظني بهم اللي بنيت =وجهوا لي صدمة العمر القويه
حتى اقرب ناس لي منه جنيت =التعب والحزن والهم والاسيه
عني اتخلا ونا لجله وفيت =يدعي اني السبب حسبي عليه
صار قاسي ونا عمري ماقسيت =شمعة افراح العمر بيده طفيه
بعت اهلي بعت ناسي واكتفيت =بس هو يرضى ونا برجع اليه
بس لكن ياخساره مشتهيت =ماتحقق لي ولانفسي هنيه
شبه موجوده احس اني انتهيت =اطلب المولى يقرب لي المنيه

[همس النسيم]

ماتوقعتك كذا قاسي شديد =تحكم بسرعه بلا اخذ وعطا
قلبك الطيب قسي مثل الحديد =وحدي حملني انا كل الخطا
لوسمحت ارجوك يكفي لاتزيد =نفسي تشعر بالتعاسه والاسى
ماحصل ماكان لي به اي اييد =لا ولالي ذنب باللي قد جرا
العواذل حطمو حلمي الوحيد =بعدما كلن تجنى وافترا
جففوا في راحتي دم الوريد =صوروا لك عكس ماعينك ترا
ذوبوا مابيننا اكوام الجليد =داسوا زهرة حبنا بين الثرا
ورغم ذا كل مالهم هل من مزيد =لا عزا في حبنا ذا لا عزا
المهم من ذي الدروس بنستفيد =لجل ما بيصيبنا نفس الاذا
وان عجزنا إنا نحقق مانريد =مانقول الا هيى الدنيا كذا

[همس النسيم]

جفـيـتـك واعـتـقـد ذا حـــق لـــي مــشــروع =يخول لي اعبر عن مدى سخطـي

بــيسـمـح لــي ارفــض المـبـدا الــذي ممـنـوع = وقول بصوت عالي انته المخطـي

طـفــح كـيـلـي وقـــررت احـســم الـمـوضـوع =واوضع حد ينهي عاصفة قحطي

انــا مــن حـقـي احـضــن حـلـمـي الـمـنـزوع = وطالب مثل ماتاخذ معي تعطـي

تـراعــي حـــس مـرهــف بـالـوفـا مـــزروع = وترسي مركب احلامك على شطي

تـــداوي فـــي وصـالــك قـلـبـي الـمـوجــوع = تضمد في ايدينك جرحي المبطـي

تـهــدي مـــن ظـــراوت نـبـضـي المـسـمـوع = وتردع في حنانـك قافلـة غبطـي

تـحــاول لـــم لـحـمـة شـمـلـنـا الـمـقـطـوع = تعزز ساس احساس الثقـه وسطـي

تـرمــم شـــرخ مـبـنـى حـبـنــا الـمـرفــوع = وتسند هامته مـن شـان مـا يوطـي

تـفـجـر مـــن حـنـانــك داخــلــي يـنـبــوع = وتعطيني من احساس الفـرح قسطـي

تـعــال اتـوجــك فـــي تــاجــك الـمـخـلـوع = ووثـق للابـد فـي ساعـدك ربطـي

تـعـال اثـبـت بـانــي كـنــت بـــك مـخــدوع = وغالط كل كلمه صاغهـا خطـي

تـعــال وخـــل ثـقــل الـــدم يـــا دلــــوع =نويت اسامحـك حتـى ولـو مخطـي

[همس النسيم]

كف ظلمك حبيبي يكفي اللي حصل = مايكفيك قلبي دائماٍ تجهله
آه ياحبك انته للنكد والزعل = لازماٍ كل مره تختلق مشــكله
تبني اسلوب رايك عادتٍ عالجدل = وان نصحتك تصمــم شوري ماتقــبله
تــنهج اسلوب واحد ماتبدل بدل= والمصيبه بطبعك كيف بتبــــدله
صرت مغرور جداٍ ينضرب بك مثل = بالكبر والتعالي فوق ماتخيـــله
للأسف خاب ضني بك وخاب الأمل = بعد ماصار حبك أشبه ابمهزله
مدري وش اخرتها مدري ايش العمل = صبري اتجاوز الحد وانت تســتسهله
نفسي اتحس فيني لو شوي عالاقل = او تطفي حنيني بعدما تـــــشعله
أعط نفسي هواها قبل توفى الأجل = كن لها مبتغاها والعمر بكــــمله
اسقها من حنانك عذب شوق الغزل = واشعر افبعض مالك بالحشا تحمله
كبرياها تأكد مالغيرك نزل = انت وحدك اخذت من العمر أجمله

[همس النسيم]

الزمي حدك كفايه غطرسه يا مفتريه= اللي يتحايل مصيره يوم يتعثر ويوقع

تحلمي تثنين هامة عزة البأس القويه= مش إنا اللي تجبرينه يمشي في طوعك ويخضع

اختلف عنهم تماماٍ غير عن كل البقيه= كبريائي راس مالي مثل نور الشمس يسطع

اقطعي حبل الرجا بي انتي عندي شبه حيه= مستحيل ارضى وسامح اصل كثر الطعن يوجع

اصبحه عندي قناعه انك اليد الخفيه= اللي تنهش في كياني غصب وتمزق وتقطع

صرتي جلادي وسوطي ونا أصبحت الضحيه= فعلاٍ استاهل لأني ماقدرت اتوب واقنع

كل مسئل عن مبرر تدعين انك بريه= وين برهان القناعه حتى اترفع واشفع

كان يكفيني مبرر للأمور اللي جريه= واتضح لي ان عذرك عذر زايف ما بينفع

ارفض اقبل عذر واهي تمتزج به سؤ نيه= اعرف المغزا بذاتك ترتضيني يمكن ارجع

لو سمحتي بس يكفي هم واحزان واسيه= ارحمي قلبي كفايه قربت روحي بتطلع

لملمي اخر جروحك وارحلي من غير جيه= عزتي ماعاد تسمح لو دموعك اربع اربع

العلاقه بيننا بالكاد شبه المنتهيه= اعتقد ناتج طبيعي كان بالحسبان يوقع

انتهت آخر فصول المهزله بالمسرحيه= وانكشف آخر قناع وبانت انياب المقنع

[همس النسيم]

فينا الوفا باقي تأكد ولا زال= مثل الشواطي ماتخون السفينه
من طبعنا نصبر على ضيقة الحال= نــتــقبله لو هو مطين بطــــينه
اهم شي انحس في راحة البال= ماهمنا لو ضاعف الهجر دينه
مضى عمرنا بين غربه وترحال= واليوم وين احنا وهو صار وينه
حبل الأمل متعلق بعدة أمال= مع الأسف ورده ذبل قبل حـــينه
لاشك مشوار الحزن طول وطال= رسخ بداخلنا مأسي حــــزيـــنه
سطر لنا من صرخة الهم موال= محفور باعماق الجروح الدفينه
نـــثر من اهموم الأسى دمع شلال= يروي ضما اشواك صحرا انينه
خلف جسد منهك على شكل تمثال= جفت بشريانه جداول حــــنــينه
على جروح الروح يرقص ويختال= ويشفي نار الغل باهداب عـــــينه
يهد اخر ما تبــقى ويغـتــال= اخر امل مـــات الفرح في جبــــينه

[همس النسيم]

ليه ياقاسي تغير منطقك= ليه اسلوبك معي صابه برود
ولا ذنبي اني احبك وأعشقك= وانت تتجاهل كأن مالي وجود
كنت اكذب نفسي لجل اصدقك= كنت واهم انك بلحظه تعود
ساحلي مشتاق يحضن زورقك= لهفتي لك مالها اية حدود
نفسي اضمك واحترق بك واحرقك= وانسى نفسي في ضلال عيون سود
اخطفك من عمر وقــتك واسرقك= وازرعك بسمة أمل بين الورود
ارسم أحلامي بطلعت مفرقك= واشربك واضماك واغيض الحسود
اعتبرني طيف هل بمشرقك= عانق أجوائك بعد قسوه وجحود
اوعدك مهما حصل ما افرقك= ما افرط بك ولا خون العهود

[همس النسيم]

حـبـيـبـي لا تــقــل كــلــه عـشــانــي = انا اعرف مايهمـك غيـر نفسـك
انـــا اعـــرف انـــك بطـبـعـك أنـانــي = وحب ألذات شاغـل كـل حسـك
شـعــورك مــاعــرف قـيـمــة حـنـانــي = ولا حس الدفـا بشعـاع شمسـك
بـقـلـبـك لــلأســف ضــايــع مـكـانــي = أحس البرد ساكن نبـض همسـك
أتـــوه وانــجــرح واســهــر وعــانــي = ولا تهتز شعـره وسـط رأسـك
تــجــف بـشـفـتـك حــتــى الـمـعـانـي = وتتحاشـى مجـرد بـس لمسـك
أحـــس انـــك جـســد مـخـلـوق ثـانــي = بلحظـة ماتجـي خمسـي بخمسـك
كـئـيـبـه جـنـبــك تــمـــر الـثــوانــي = تلقنـي اشـد أفـصـول درســك
تــهــد بـداخـلــي صــــرح ألامــانــي = تحاول فيـه تكسـر طـوق نحسـك
تـظـن انــه شــوي مـــا مـنــك جـانــي = وانا يا ما احتملت اعصار بأسـك
شـربــت مـــن الأســـى مـاقــد كـفـانـي = جنيت الشوك من محصول غرسك
غـلـطـت ولــلأســف غـلـطــة زمــانــي = تقبلهـا هديـه يـوم عـرسـك

[همس النسيم]

اصبر وصابر حتى يأتيك الاجل=وثق تمامإ ان مافي مستحيل
الصبر حكمه مثل ماقال ألمثل=انا انصحك به لا تبدل به بديل
خل الاراده عندك اقوا من جبل=وتحلا بالحكمه وبالراي النبيل
خل الثقه بالله ميزان العمل=وامسك بحبله انهو نعم الخليل
كن مطمئن البال خل عندك امل=ترا الفرج قادم بعد صبرإ جميل
واحفظ صلاتك تحفظك حتى الازل=وان مت تشفع لك بعد عمرا طويل
واحفظ لسانك عالنميمه عالاقل=ولاتمار س بالخفى قالت وقيل
ووفي بعهدك لو حصل مهما حصل =وكن على مبداك ثابت لا تميل
واحرص على حفظ الامانه لاتمل=واذكر نبيك لاتكن جاحد بخيل
اذا عقدت العزم وكل واتكل=بالواحد الباري انهو نعم الوكيل

[همس النسيم]

حبيـبـي كـيـف توعـدنـي وتنسـانـي =وتخلـف فـي مواعيـدك بـلا اسبـاب
انــا ماكـنـت اظــن بـيـوم تجـفـانـي =ولا اتخيلت في لحظه نصير اغـراب
كتبـت بخـطـوة المـشـوار حرمـانـي =وفي وجهـي قفلـت اليـوم اخـر بـاب
انـا وش ذنبـي حـتـى مـنـك اعـانـي =يكفيني وبس ارجوك حرق اعصاب
احـس ان طبعـك اتبـدل معـي ثـانـي =لحـد انـي شعـرت ان التفاهـم غـاب
علـى نفسـي اظـن انـي انـا الجانـي =تعاملـت بحسـن نيـه مـع مـن عـاب
تسامحـت ورضـيـت بـكـل ماجـانـي =ولا فـكــرت اوجـــه كـــلام عـتــاب
وبـالاخـر جنـيـت الـهــم واحـزانــي =وذا اللي صار لي يمكن جزا وعقاب
انا استاهـل رميـت الجمـر لحضانـي =وبيدي صبت عيني ماعملت حساب
وليـت اللـي حصـل لـي كـان كفانـي =وليت الدرس لي خذته نتيجـه جـاب
انــا بالعـكـس صافـيـتـه وصـافـانـي =مجـرد مـا لمستـه كـل جسـمـي ذاب
قـــرب مـنــي وعانـقـنـي ودفـانــي =وزاد القلب به اعجاب فوق اعجـاب
نـطـق بسـمـي وزلـزلـنـي وبـكـانـي =وقال انسى على شاني ترانا احبـاب
وقلـت امــر تـدلـل ياضـيـا اجفـانـي =تـرا ماعـاش مـن ردك وعنـك تـاب

[همس النسيم]

لاتحسبين انك كذا مستفيده=بالعكس خسرانه ونا بعد خسران
اللي حصل بيني وبينك مكيده=صرنا ضحيتها وكان الذي كان
ماراح راح وصعب جدآ نعيده=ولا بنقدر نرجعه مثل ما كان
غصبن علينا صار لي مانريده=لي ماعملنا له في البال حسبان
اليوم بس اصبح حقيقه اكيده=مره ولاتحتاج لا اي برهان
كانت عواقبها الوخيمه شديده=فيها تجرعنا مراره وبهتان
ضعنا وضاعت شبه فرصه وحيده=ماظن تتعوض على مر لزمان
ضيعنا لحظات الغرام السعيده=من يدنا واليوم عشنا بحرمان
يستاهل اللي صاب عينه بئــيـده=يعيش طول العمر خايب وندمان
لنه اذا يبكي ندم وش يفيده =مافات مات ولا عزا له من الان

[همس النسيم]

عيبك انك مابتعرف قدر نفسك=مستهين بقيمتك وانته كبير
انت غير الكل ياروحي احسك=تختلف عنهم باطباعك كثير
السما تاخذ ضيا من نورشمسك=والمسا من وجنتك تنفح عبير
والمشاعر تنصهرمن عذب همسك =في هواها انت لول والاخير
تنثني لك من مجرد بس لمسك=لك تسلم امرها روح ومصير
تستمدالدفء من احساس خمسك=وان تعانقها من الفرحه تطير
امنيتها تكون لك يومك وامسك=ماتريد تفارقك مهما يصير